Dy trupa të zjarrfikëses janë nisur nga Maliqi dhe Korça drejt Greqisë për ndihmë mbi situatën alarmante të zjarreve në pyje.
Nga Maliqi drejt Greqisë janë nisur përkatësisht katër efektivë dhe një automjet zjarrfikës.
Gjithashtu nga qyteti i Korçës është nisur një tjetër mjet dhe pesë efektivë.
Sakaq, kanë qenë kryetarët e Bashkive, të cilët kanë urdhëruar që nga autoritetet të ofrohet ndihmë për shuarjen e flakëve me përmasa të mëdha në shtetin Grek.
Zjarrfikësit janë nisur përpara disa orëve dhe momentalisht janë në pikën e kalimit kufitar të Kapshticës, aty ku po kryejnë procedurat për kalim drejt shtetit fqinj.
Ndërkaq, kryeministri i Shqipërisë, Edi Rama, përmes një postimi në median sociale “X”, ka treguar trishtim për atë çfarë po ndodh në Greqi me zjarre masive të shtrira në gjithë vendin, viktima të shumta dhe sipërfaqe të mëdha pyjore të shkrumbuara.
Një tragjedi e vërtetë më herët është regjistruar në pyllin e Dadia-s, në rajonin Evros të Greqisë, pasi janë gjetur 26 trupa të djegur emigrantësh.
Pylli, i cili u përfshi nga zjarret edhe vitin e kaluar, ndodhet mes flakësh që prej ditës së djeshme të 21 gushtit.
Teksa, zjarret masive, që prej fillimit të verës nuk kanë kursyer as ishujt grekë, me të shumtë që u gjendën në flakë dhe që dërguar përpara kohe turistët në shtëpi.
Rodosi mbi të gjitha, pa ndër zjarret më masive të dekadës së fundit, ku pamjet thuajse apokaliptike bënë xhiron e botës, me dhjetëra mijëra turistë rrugëve për të gjetur shpëtim në anije që largoheshin nga ishulli, apo edhe fluturime të mundësuara nga qeveritë e vendeve të tyre, për t’i shpëtuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Abissnet Superiore” për vajza/ Vllaznia mund Apoloninë në finale & shpallet kampione e Shqipërisë për herë të 11-të
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Lehtësimi i jetës së shqiptarëve, ligji i luftës dhe e ardhmja evropiane – Cilat ishin mesazhet e Ramës në Athinë?
Lajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Putin shkarkon Shoigun dhe cakton një ministër të ri Mbrojtje, në mes të luftës
-
Zimmerman: Kosova mund të pranohet në Këshillin e Evropës si anëtare e asociuar