Shefi i Fondit Monetar Ndërkombëtar (FMN) për Kosovën, Gabriel Di Bella, deklaroi se Administrata Tatimore e Kosovës (ATK) ka bërë arritje në formalizimin e aktiviteteve ekonomike.
Ai këtë konstatim e bëri gjatë një paraqitje virtuale për media.
Tutje, Di Bella ka theksuar se, “Administrata Tatimore e Kosovës (ATK) ka bërë punë shumë të mirë edhe gjatë periudhës së pandemisë në sistemin e deklarimit online, pasi për shkak të kufizimit të lëvizjes dhe rrezikut që kanosej shumicës së qytetarëve është dashur që pagesat t’i kryejnë në mënyrë elektronike”.
FMN është institucion i cili ka mbështetur në kontinuitet ATK-në, përkrahja çdoherë ka qenë në fusha specifike, të cilat kanë avokuar projekte të ndryshme me interes krucial për institucionin e ATK-së karshi tatimpaguesve.
ATK ka bërë të ditur se, “digjitalizimi i pothuajse 98 për qind të shërbimeve ndaj tatimpaguesve janë prioritet i vazhdueshëm i ATK-së, ku në këtë drejtim janë duke u zhvilluar edhe dy komponentë shumë të rëndësishme, të cilat do të ngrisin në nivel edhe më të sofistikuar ATK-në”.
Më 12 nëntor, FMN ka thënë se ka ulur parashikimin e rritjes ekonomike globale për këtë vit në 5.9 për qind.
Në këtë ulje ka ndikuar pasiguria për përfundimin e pandemisë së Coronavirusit, më parë FMN-ja kishte parashikuar rritje ekonomike prej 6 për qind.
Sipas kësaj organizate me seli në Uashington të Shteteve të Bashkuara të Amerikës, në këtë ulje të parashikimit kanë ndikuar edhe ndërprerjet e zinxhirit të furnizimit që u përkeqësuan nëpër qendrat prodhuese të Azisë, si dhe pabarazitë në shkallën e vaksinimit midis vendeve të pasura
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rusia pretendon se ka pushtuar pesë fshatra kufitare në Kharkiv mes ofensivës së re
-
Beleri nga burgu thotë se Rama po kërkon të sfidojë Greqinë
-
Vuletiç: Politikanët në Serbi e dinë se s’ka më njerëz që luftojnë për Kosovën
-
Homazhi i zgjuar i Angelina Mango për Palestinën, një ‘minifitore’ më vete në Eurovision
Lajmet kryesore
-
Rama: Shqipëria s’ka asnjë pretendim ndaj Greqisë, veç respektit
-
Beleri nga burgu thotë se Rama po kërkon të sfidojë Greqinë
-
Rusia pretendon se ka pushtuar pesë fshatra kufitare në Kharkiv mes ofensivës së re
-
Një muaj paraburgim për Miletiç-in – lëndoi dhjetëra ushtarë të KFOR-it, policë dhe gazetarë në Veri