SHBA-të do të riafirmojnë mbështetjen për Tajvanin pavarësisht fokusit të Washington-it në Ukrainë
Shtëpia e Bardhë ka dërguar një delegacion të nivelit të lartë të ish-zyrtarëve në Tajvan për të dërguar një mesazh sigurie dhe për t’i kujtuar Kinës që të mos rrisë presionin mbi Taipei, pasi Washington-i është i fokusuar në trajtimin e krizës në Ukrainë.
Michael Mullen, ish-kryetar i shefave të përbashkët të SHBA-ve, kryeson delegacionin, i cili përfshin Michele Flournoy, një ish-zyrtar i lartë i mbrojtjes, sipas dy personave të njohur me situatën.
Përveç dërgimit të një sinjali mbështetjeje, delegacioni do t’i kërkojë Tajvanit të shtojë përpjekjet për të forcuar mbrojtjen e tij.
Anëtarët e tjerë të delegacionit përfshijnë Evan Medeiros, ish-këshilltar i lartë i Shtëpisë së Bardhë për Azinë i Barack Obama-s dhe Mike Green, i cili mbajti të njëjtin pozicion për George Ë Bush, përveç Meghan O’Sullivan, një ish-zyrtare e lartë e administratës Bush. Grupi do të mbërrijë në Tajvan të martën.
Vendimi për të dërguar një delegacion vjen mes shqetësimeve se Pekini mund të përpiqet të përfitojë nga fokusi i SHBA-ve në Ukrainë për të rritur presionin ndaj Tajvanit, mbi të cilin Kina pretendon sovranitet.
“Ka një ndjenjë që është një ide e mirë t’i jepet Tajvanit njëfarë sigurie në këtë kohë”, tha Bonnie Glaser, një eksperte e Kinës në fondin gjerman Marshall.
“Dërgimi i një grupi ish-zyrtarësh të lartë që tani janë jashtë qeverisë është një mënyrë e mirë për ta bërë këtë. Ai dërgon mesazhin e duhur, por e bën këtë në një mënyrë joprovokuese”.
Ushtria kineze ka rritur aktivitetin rreth Tajvanit gjatë vitit të kaluar, duke përfshirë dërgimin e llojeve të avionëve luftarakë në zonën e identifikimit të mbrojtjes ajrore të vendit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
-
Alejandra Rodriguez konkurron për Miss Universe në moshën 60-vjeçare
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës