Presidenti i Serbisë Aleksandër Vuçiç, në konferencën vjetore drejtuar popullit serb, pretendoi se nëntë shtete tashmë e kanë tërhequr njohjen e pavarësisë së Kosovës.
“Kemi nëntë vende që e kanë tërhequr njohjen, presim të dhjetën”, tha Vuçiç në konferencën për media të mbajtur në Pallatin e Serbisë.
Shtetet që kanë tërhequr njohjen, sipas pretendimeve të Vuçiç-it janë Somalia, Burkina Faso, Gaboni, Eswatini, Libia, Guinea, Antigua dhe Barbuda, Saint Lucia e Maldivet.
Tutje, ai deklaroi se Serbia “vështirë mund t’i kundërshtojë” përpjekjet e Kosovës për t’u bërë anëtare e Këshillit të Evropës, por shtoi se situata është ndryshe në Organizatën e Kombeve të Bashkuara për Arsim, Shkencë dhe Kulturë (UNESCO).
“Ne do të luftojmë, pasi që dy të tretat e votave duhen për anëtarësim në UNESCO dhe do të jetë pak më e vështirë për ta”.
Ai njoftoi sërish se në janar “po pret që ekspertët të vijnë dhe t’i shpjegojnë” se pranimi i hyrjes së Kosovës në OKB është “e vetmja rrugëdalje e mundshme për Serbinë”.
“Shqiptarët dhe komuniteti ndërkombëtar nuk mund të respektojnë asnjë nga ato gjashtë dokumente dhe ne po kërkojmë prej tyre vetëm një”, shtoi Vuçiç, duke kërkuar themelimin e Asociacionit të Komunave me Shumicë Serbe.
Ndryshe, Kosova është në prag të anëtarësimit në Këshillin e Evropës dhe tashmë ka siguruar vota të mjaftueshme për këtë ndërsa ka autoritetet kosovare kanë dorëzuar edhe zyrtarisht aplikimin për anëtarësim në Bashkimin Evropian.
“Diplomacia e sheqerit” – Cilave shtete iu ofroi Serbia sheqer për ta çnjohur Kosovën?
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Macron i kënaqur me reagimin e Kremlinit ndaj komenteve të tija: Ankthi rus tregon se kemi të drejtë
-
“Do të doja që këtë festë të isha me serbët”, Petkoviç-it i ndalohet hyrja në Kosovë
-
Për britaniken Express, Dhërmiu është destinacioni më i bukur evropian për pushimet 2024
-
‘Gara e re hapësinore’: cilat janë ambiciet e Kinës dhe pse janë kaq të shqetësuara SHBA-të?