Juventus-i ka shënuar fitore minimale me rezultat 1:0 ndaj Spezia-s, në ndeshjen e javës së katërt në Serie A.
Ekipit nga Torino i mjaftoi vetëm një gol i shënuar në minutën e nëntë nga Dusan Vlahovic për t’i arkëtuar tre pikë nga kjo ndeshje.
Deri në fund, bardhezinjtë dominuan ndeshjen dhe golin e radhës arritën ta shënojnë në minutat shtesë të ndeshjes.
Arkadiusz Milik ishte realizatori, duke shënuar në ndeshjen debutuese me fanellën bardhezi.
Kjo ishte fitorja e dytë e këtij edicioni për Juve-n, derisa ata numërojnë edhe po aq barazime.
Në ndeshjen tjetër, Napoli nuk arriti të fitojë në shtëpi përballë Lecce-s.
Zëvendësuesi i Amir Rrahmanit, Leo Ostigard, shkaktoi një penallti në minutën e 25-të, të cilën nuk arriti ta shndërrojë në gol Lorenzo Colombo.
Ndërsa, dy minuta më vonë, Napoli kaloi në epërsi me golin e shënuar nga Eljif Elmas.
Megjithatë, Colombo e përmirësoi gabimin nga penalltia dhe në minutën e 31-të realizoi një super-gol nga distanca për ta barazuar rezultatin.
Në vazhdim, Napoli dominoi lojën, por ata nuk arritën ta thyenin mbrojtjen e Lecce-s, duke u mjaftuar me vetëm një pikë nga ky takim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
Interpelanca/ Salianji: Situata e kriminalitetit është e rëndë, Balla: Në vitin 2023 niveli më i ulët i vrasjeve
-
Versioni i Trump: Sërish dhunë nëse nuk fitoj? Varet
-
Sulmet e Metës dhe paraqitja e Veliajt në SPAK, Gonzato: Nuk komentojmë hetimet, por e mbështesim prokurorinë
