Për anëtarin e lartë në Qendrën për Analizatë Politikave Evropiane, Janusz Bugajski, koordinimi i politikës së jashtme të Serbisë me atë të Rusisë, është i papranueshëm.
Në margjinat e sesionit të 77-të Asamblesë së Kombeve të Bashkuara, ministri i Punëve të Jashtme të Serbisë, Nikola Selakoviç dhe ai i Rusisë, Sergey Lavror kanë nënshkruar një marrëveshje për të koordinuar politikën e jashtme.
Për njohësin e dinamikave të Ballkanit Perëndimor, Janusz Bugajski, një koordinim i tillë duhet sanksionuar, pasi sipas tij Beogradi po mbështet kriminelët e luftës në Kremlin.
“Koha për të sanksionuar Serbinë. Beogradi mbështet kriminelët e luftës në Kremlin. Pse duhet të përfitojë nga çdo fond apo investim i taksapaguesve të BE-së”, ka shkruar ai në rrjetin e tij social në Twitter.
Time to sanction Serbia. Belgrade supports the war criminals in the Kremlin. Why should it benefit from any EU taxpayer funds or investments. https://t.co/Sb6eSwljGY
— Janusz Bugajski (@JBugajskiUSA) September 23, 2022
Pas marrëveshjes Beograd-Moskë, ka reaguar edhe hulumtuesi nga Bosnja e Hercegovina, Jasmin Mujanoviç, i cili përmes një statusi në rrjetin e tij social në Twitter, ka shkruar se nuk është çudi që Serbia vazhdon ta koordinojë politikat e saj me regjimin kriminal të Vladimir Putinit.
Ai tutje ka thënë se nënshkrimi i një marrëveshje të tillë në mes të Serbisë dhe Rusisë do të duhej të ishte një alarm për Tiranën dhe Shkupin si dy shtete anëtare të NATO-s.
“Ajo që është për t’u çuditur është se si qeveritë kryesore perëndimore kërkojnë që Bosnja, Mali i Zi dhe Kosova t’i bashkohen nismës ‘Ballkani i Hapur’”, ka shkruar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Arabia Saudite do të shesë aksione të Saudi Aramco me vlerë 12 miliardë dollarë
-
Haradinaj: Kosovës do t’i ofrojmë ndryshimin e merituar, jemi këmbëngulës për ta bërë anëtare të NATO-s
-
Nasrallah i Hezbollahut i përgjigjet mobilizimit kufitar izraelit
-
Lufta e Gazës nuk do të përfundojë derisa ‘të gjitha qëllimet të arrihen’