Russell Brand reflekton për martesën e tij “kaotike”, por “të mahnitshme” me Katy Perry-n

Aktori, Russell Brand së fundmi ka bërë bujë, derisa si rrallë herë ka folur për martesën e tij jetëshkurtër me këngëtaren, Katy Perry.

Në episodin e së dielës të “Running Wild with Bear Grylls: The Challenge”, aktori britanik, 48 vjeç, tha se bashkimi i tij fatkeq me këngëtaren, 38 vjeçe, ndodhi në një kohë shumë “kaotike” të jetës së tij.

Dyshja u martuan në vitin 2010 dhe duke folur për atë periudhë kohore në jetën e tij, Brand pranoi se ai “nuk filloi me të vërtetë të bënte jetesën e duhur” si aktor deri në të 30-at e tij.

“Martesa ndodhi kur isha më së shumti në sy të publikut dhe punoja në Amerikë”, tha aktori i “Forgeting Sarah Marshall”, duke shtuar se “disa aspekte të ishin të mahnitshme”.

“Ajo është një person i mahnitshëm”, tha ai për këngëtaren e “Teenage Dream”.

“Ishte diçka e pabesueshme të jetosh për një moment në atë sy të aspektit të tipit ciklon të famës. Përveç llojit të ndjenjave të mia të dashurisë për Katy-n, është një kohë që mbaj mend se ka qenë pak kaotike dhe pak për mua, pak e shkëputur”, shtoi ai.

Pas ndarjes së tyre, Perry vazhdoi të takohej me John Mayer përpara se të gjente dashurinë me aktorin Orlando Bloom.

Dyshja mirëpritën vajzën Daisy Dove në gusht të vitit 2020.

Nga ana e tij, Brand u martua me autoren Laura Gallacher në vitin 2017 dhe vazhdoi të mirëpresë vajzat Mabel dhe Peggy.

Së fundmi ata njoftuan se janë në pritje të një fëmije të tretë.

Perry foli më parë për martesën e saj fatkeqe me Brand, duke thënë se ajo ende “besonte në princeshat e Disney” kur dyshja u martuan.

“Është e lehtë të jesh beqare dhe të mos të thërrasin për gjërat e tua, të jetosh jetën tënde beqare të mrekullueshme duke menduar se je më e madhja dhe më e mira dhe të bësh gjithçka që dëshiron”, tha ajo për revistën Paper në 2019.

“Por atëherë kur ju jeni në një partneritet, ju jeni atje për t’i dhënë mësime njëri-tjetrit”, pati shtuar ajo.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.