Zëdhënësi i Kremlin-it, Dmitry Peskov, ka deklaruar se autoritetet ruse i kanë dorëzuar Kiev-it zyrtar një “draft dokument paqeje me formulim të qartë”.
Lajmin e bëri të ditur agjencia ukrainase “Unian”, e cila citoi agjencinë ruse “Ria”.
“Si pjesë e procesit të negociatave, pala ukrainase mori një draft dokument me formulim të qartë. Topi është në anën e Kiev-it, Moska pret një reagim”, u shpreh Peskov.
Sipas tij, Ukraina nuk po nxiton të përgjigjet.
“Ata nuk po bëjnë më të mirën e mundshme, pasi nuk kërkojnë të intensifikojnë procesin”, shtoi zëdhënësi i Kremlin-it.
Më herët, Mykhailo Podolyak, këshilltar i kreut të zyrës së Presidentit pranoi se bisedimet me Rusinë në fakt “ishin ngrirë”.
Ai nuk mund të parashikonte se kur do të zhvillohet raundi tjetër i bisedimeve të drejtpërdrejta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
TikTok ngre padi për të bllokuar ligjin amerikan që mund të ndalojë aplikacionin
-
Stormy Daniels dëshmon në gjyqin e Trump, për ryshfet ndaj ish-aktores porno
-
Policia asgjëson një laborator të drogës në Leposaviq
