Numri i viktimave nga një valë sulmesh me raketa ruse para agimit, sulmi i parë i tillë në shkallë të gjerë që goditi Ukrainën në gati dy muaj, është rritur në të paktën 14, raporton agjencia “Reuters”.
“Ky terror rus duhet të përballet me një përgjigje të drejtë nga Ukraina dhe bota”, shkroi presidenti ukrainas, Volodymyr Zelenskiy në një postim në Telegram krahas imazheve të rrënojave.
Të paktën dymbëdhjetë persona u vranë dhe 17 u plagosën në qytetin qendror të Uman-it kur një raketë goditi një ndërtesë apartamentesh nëntëkatëshe, tha ministri i brendshëm i Ukrainës, Ihor Klymenko.
Gazetarët në vendngjarje përshkruan shpëtimtarët duke u kapërcyer nëpër një grumbull të madh rrënojash që digjen dhe mbanin një çantë trupi larg në një barelë.
Në qytetin juglindor të Dnipro, një raketë goditi një shtëpi, duke vrarë një fëmijë 2-vjeçar dhe një grua 31-vjeçare, tha guvernatori rajonal, Serhiy Lysak.
Në atë sulm u plagosën edhe tre persona.
Komanda ushtarake e Ukrainës tha se kishte rrëzuar 21 nga 23 raketa lundrimi të lëshuara nga Rusia.
Kryeqyteti Kiev u trondit gjithashtu nga shpërthime, me zyrtarët që raportuan se njësitë e mbrojtjes ajrore kishin shkatërruar 11 raketa dhe dy drone.
Dy persona të tjerë u plagosën në qytetin Ukrayinka në jug të Kievit, thanë zyrtarët.
Rusia nis një sulm ajror vdekjeprurës në Ukrainë, duke goditur Kievin
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kristi Noem, zëvendësja e mundshme e Trump: Kam vrarë qenin tim, e urreva, ishte i padisiplinuar
-
Maqedonci takon homologun hungarez, flasin për sulmin në Veri dhe sigurinë në Ballkan
-
Nga Suedia në Mbretërinë e Bashkuar, një valë arrestimesh zbulon praninë e një rrjeti spiunësh kinezë në Evropë
-
Sadaf Baghbani: Kam 150 fishekë në trup, mendova se askush nuk do të më dojë më
