Rusia nisi një valë të re sulmesh ajrore në mbarë Ukrainën herët në mëngjes të së premtes, duke vrarë të paktën pesë persona dhe duke shkatërruar disa ndërtesa.
Shpërthime u dëgjuan në kryeqytet, Kiev, duke shënuar sulmin e parë atje në më shumë se një muaj, shkruan kompania mediatike “Bloomberg”.
Sulmet përfshinin avionë strategjikë Tu-95 që vijnë nga rajoni i Detit Kaspik, si dhe drone, tha Komandanti i Përgjithshëm ukrainas Valeriy Zaluzhnyi në Telegram.
Mbrojtja ajrore e Ukrainës ka shkatërruar 21 nga 23 raketa lundrimi Kh-101/Kh-555, si dhe dy drone, sipas Zaluzhnyi-t.
Shpërthime u dëgjuan gjithashtu në një numër rajonesh duke përfshirë Kremenchuk, Dnipro, Mykolayiv, Poltava dhe Cherkasy, sipas kanalit televiziv ukrainas TSN.
Sipas vlerësimeve paraprake, mbrojtja ajrore e Ukrainës rrëzoi 11 raketa lundrimi dhe dy drone mbi Kiev, tha shefi i administratës ushtarake të qytetit Serhiy Popko në Telegram.
Ndërsa nuk u raportua asnjë vdekje në kryeqytet, mbetjet e raketave goditën një linjë elektrike në një nga rrethet, sipas Popko-s.
Një grua dhe një fëmijë u vranë në Dnipro. Të paktën tre persona u vranë në Uman, një qytet në rajonin e Cherkasy-t dhe tetë të tjerë u plagosën, sipas ministrit të Punëve të Brendshme Ihor Klymenko. Një raketë goditi një shtëpi shumëkatëshe.
Të paktën dy persona u lënduan në qytetin Ukrainka në rajonin e Kiev-it, tha një zyrtar në Facebook.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA