Sulmi me raketa në portin tregtar detar të Odesa-s nuk pati asnjë ndikim në depozitat e grurit.
Kjo, pas zjarrit që shpërtheu në stacion.
Lajmi u bë i ditur nga agjencia “Suspilne”, duke cituar Natalya Humenyuk, shefen e qendrës së shtypit të forcave të sigurisë dhe mbrojtjes së Jugut.
“Është e qartë se qëllimi i armikut ishte goditja e portit tregtar detar të Odesa-s. Katër raketa Kalibr u mësynë në këtë drejtim, dy prej tyre u rrëzuan nga forcat e mbrojtjes ajrore, dy goditën objektet infrastrukturore të vetë portit”, u shpreh fillimisht zyrtarja ukrainase.
Sipas saj, në momentin e goditjes së raketave shpërtheu një zjarr i vogël, i cili u shua shpejt nga ekipet e shpëtimit. Vala goditëse ka dëmtuar banesat përreth portit.
Humenyuk theksoi se vetë depozitat e grurit nuk u goditën.
Rusët goditën portin detar të Odesa-s pikërisht aty ku ishte ruajtur gruri, deklaroi më herët Yuriy Ignat, zëdhënësi i Komandës së Forcave Ajrore të Ukrainës.
Shërbimi për shtyp i Ministrisë së Politikës Agrare gjithashtu raportoi në një koment për “Suspilne-” se në port kishte drithëra.
Trupat ruse sulmuan portin e Odesa-s 24 0rë pas nënshkrimit të marrëveshjes së grurit.
Më 22 korrik, në Stamboll u nënshkrua marrëveshja për zhbllokimin e porteve të Ukrainës për eksportin e grurit.
Ministria e Punëve të Jashtme të Ukrainës ka reaguar ndaj sulmeve në Odesa.
Sipas komentit të zëdhënësit të Ministrisë së Punëve të Jashtme të Ukrainës, Oleg Nikolenko, Ukraina i bën thirrje OKB-së dhe Turqisë që të sigurojnë që Rusia të përmbushë detyrimet e saj.
Kjo, në kuadër të funksionimit të sigurt të korridorit të grurit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Pas gjashtë orësh, përfundon Konventa e Partisë së Lirisë
-
Realizuam procedurën e paraaplikimit në SEPA, thotë ministri Mete
-
Nga Benetton te Metro, kompanitë nga e gjithë Evropa që ende bëjnë biznes në Moskë
-
Raporti i DASH-it përmend Rozeta Hajdarin e Liza Gashin si të dënuara për mos-deklarim të pasurisë