Qeveria e Kosovës në mbledhjen e saj të 132-të ka miratuar projektligjin për çmimet e produkteve medicinale.
Projektligji në fjalë i cili u prezantua nga ministri i Shëndetësisë, Arben Vitia, parasheh rregullimin e çmimeve të barnave në vend.
Projektligji, sipas ministrit, ka për qëllim që kostoja e barnave të jetë e përballueshme dhe e krahasueshme me vendet e rajonit, bile edhe më lirë.
“Çmimi i një bari do të jetë njësojë në çdo barnatore. Duke përcaktuar nivelizimin e çmimit të barnave dhe përcaktimin e çmimeve maksimale për blerje nga institucionet publike krijohet për herë të parë sistemi rregulltiv në Kosovë”, ka shtuar ai.
Sipas ministrit Vitia, deri tash këtë ligj nuk e kanë pasur vetëm dy shtete në Evropë, Kosova dhe Bjellorusia.
“Pas dy dekadash, si përfundim, Kosova për herë të parë po hiqet nga kjo listë. Kjo nismë është politikë e re dhe e shumëpritur në mbrojtjen e qytetarëve”,
Vitia ka bërë të ditur se ligji ndër të tjera përfshin lartësinë e marzhës për shitësit, metodologjinë e përcaktimit të çmimeve, kalkulimin e tyre, komisionin për përcaktim çmimesh, publikimin zyrtar të tyre dhe mbikëqyrjen, ankesën dhe sanksionet.
Ky sistem rregullativ, sipas Vitisë, është parakusht për themelimin e sistemit të rimburësimit të barnave.
“Projektligji ka një ndikim të drejtpërdrejtë në shëndetësinë publike duke ofruar qasje më të përballueshme të popullatës në barnat e nevojshme”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
U zgjodh zëvendëspresidente e PL-së, Meta thur lavde për Erisa Xhixhon
-
Kosova në Këshill të Evropës dhe Rezoluta e OKB-së për Srebrenicën – Vukotiç: Përgjigje e Perëndimit ndaj mashtrimeve të Vuçiçit
-
Vetëm SHBA-të mund ta ndalojnë sulmin e Izraelit në Rafah, thotë presidenti palestinez
-
Ora e xhepit e pasagjerit më të pasur të Titanikut shitet me çmim rekord
Lajmet kryesore
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
Tritol banesës së gjyqtarit, reagon ministri i Drejtësisë
-
Macron dëshiron të hapë debatin mbi parandalimin bërthamor evropian
-
Pas Prizrenit, më 2 maj edhe Tirana e dekoron Ali Ahmetin me titullin “Qytetar Nderi”