Skuadra e Paris Saint-Germain është mposhtur në shtëpi nga Rennes me rezultat 0:2 në ndeshjen e javës së 28-të në Ligue 1.
Pas shumë mundësive të shpërdoruara nga Kylian Mbappe e Lionel Messi, skuadra parisiene u ndëshkua në minutën e fundit të pjesës së parë nga Karl Toko Ekambi, i cili mori një asistim milimetrik nga Benjamin Bourigeaud.
Pra, pjesa e parë përfundoi me epërsi minimale të mysafirëve, teksa tre minuta pasi filloi e dyta, PSG u ndëshkua për herë të dytë.
Arnaud Kalimuendo shënoi pas një kundërsulmi të skuadrës së Rennes, i cili u asistua nga Chimuanya Ugochukëu.
Në vazhdim, vendasit tentuan ta barazojnë rezultatin, por ishte e kotë përballë një mbrojtje të fortë nga ana e mysafirëve.
PSG ende mbetet në vendin e parë në tabelë me 66 pikë, nëntë më shumë se Lens e vendit të dytë.
Ndërsa, Rennes ngjitet në vendin e pestë me 50 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com