PSG dhe Galatasaray janë afër marrëveshjes për shitjen e Icardi-t

Mauro Icardi pritet që në ditët e ardhshme të transferohet te skuadra e Galatasaray-t.

Sulmuesi argjentinas është në pronësi të klubit Paris Saint-Germain, por sezonin e fundit ishte i huazuar te kampionët në fuqi të Turqisë.

Këta të fundit dëshirojnë ta blejnë kartonin e futbollistit dhe raportohet që marrëveshja është shumë afër.

Galatasaray are closing in on Mauro Icardi deal, here we go! 🚨🟡🔴🇹🇷

Agreement now in place as Paris Saint-Germain are set to give the green light, club sources confirm — waiting for the documents.

Icardi already agreed personal terms.

Fee around €10m, as l’Équipe called. pic.twitter.com/c0m5qCP75Q

— Fabrizio Romano (@FabrizioRomano) July 9, 2023

Sipas asaj që shkruan gazetari i njohur italian, Fabrizio Romano, PSG ka pranuar që ta shesë Icard-in për 10 milionë euro, shumë kjo aq sa është ofruar nga Galatasaray.

Pra, argjentinasi dhe klubi turk kishin rënë më herët dakord për kushtet personale të kontratës, por pengesa e vetme ishte te kampionët e Francës që tani duket se do të zgjidhet.

Kujtojmë që ish-sulmuesi i Inter-it kaloi një sezon të shkëlqyer në Turqi, duke shënuar 23 gola dhe duke dhuruar tetë asistime në 26 ndeshje.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.