Prokuroria e Tiranës ka ankimuar vendimin për lirimin e pasurive të vëllezërve Marku.
Institucioni i akuzës është drejtuar nga Apeli, duke kërkuar sekuestrimin preventiv të pasurisë, e cila mendohet të jetë rreth 5 milionë euro, të Sokol e Elson Markut dhe familjarëve të tyre.
Kujtojmë se, vetëm disa ditë më parë, Gjykata e Tiranës rrëzoi kërkesën e prokurorisë dhe urdhëroi pushimin e kësaj çështjeje.
Vëllezërit Marku janë hetuar edhe në Spanjë për trafik droge.
S.Marku është hetuar edhe në shtetin italian.
Ai është dënuar në vitin 2013 nga Gjykata e Tiranës me pesë vite burg për prodhim dhe shitje të lëndëve narkotike.
Dyshohet se vëllezërit jepnin edhe para me fajde.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com