Prindërit e Rita Orës, shijojnë për pushime rivierën shqiptare

Këngëtarja e njohur shqiptare me famë botërore, Rita Ora, së fundmi ka udhëtuar drejt Shteteve të Bashkuara të Amerikës, teksa para pak ditësh ka publikuar projektin e saj më të ri me titull “You for Me”, në bashkëpunim me DJ Sigala.

Por, një destinacion krejt tjetër prej Ritës, kanë zgjedhur prindërit e saj, Besnik dhe Vera Sahatçiu – Ora, të cilët kanë udhëtuar drejt Shqipërisë për të pushuar buzë detit.

Vizita vjen pas disa ditësh qëndrim në vendlindjen e tyre, Kosovë, teksa në anën tjetër imazhet nga pushimet në rivierën shqiptare, i ka ndarë me ndjekësit, nëna e Ritës, Vera.

Çifti fillimisht kanë vizituar Patokun, ndërsa më vonë ata kishin vendosur që të shijojnë pak edhe atmosferën e qytetit të Vlorës.

Për dallim nga e bija e tyre, Rita, çifti, Besniku dhe Vera, ardhjet në trojet shqiptare i kanë të shpeshta duke i mbajtur kështu të fuqishme relacionet familjare.

Ndërsa, ylli i hitit “Body on me”, Rita Ora, për herë të fundit në Kosovë kishte qenë në vitin 2019, gjatë një vizite me mision nga UNICEF.

Në anën tjetër, Ora, së fundmi është parë të shoqërohet me regjisorin, Taika Waititi, me të cilin aludohen të jenë në lidhje.

Megjithatë, një përgjigje zyrtare rreth kësaj çështje nuk është bërë akoma nga dyshja, teksa ata shihen bashkë në pushime e festa.

Me datën 4 korrik, Ora, kishte organizuar një ndejë private, ku mes shumë të ftuarve të famshëm, i pranishëm ishte edhe Waititi, ku për herë të parë dyshja u paraqiten me imazhe profesionale para publikut të gjerë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.