Polonia shton frikën e largimit nga BE

Sfida e pashembullt e kryeministri polak, Mateusz Morawiecki, ndaj një prej parimeve kryesore ligjore të Bashkimit Evropian(BE) ka përshkallëzuar seriozisht mosmarrëveshjen e qeverisë së tij me Brukselin.

Ngjarjet kanё ngritur gjithashtu shqetësimet se, Polonia mund tё shkoj drejt tё ashtuquajturёs “Polexit”.

Teksa, Franca thotё se, njё dalje e tillë tani është një rrezik “de facto”.

Të premten vonë, ministrat e jashtëm francezë dhe gjermanë qortuan Poloninë, duke thënë se anëtarësimi në BE mbështetej në “respektimin e plotë dhe të pakushtëzuar të vlerave dhe rregullave të përbashkëta”.

“Nuk është thjesht një angazhim moral, është ligjor”, u shprehën ata.

Komisioni Evropian ka paralajmëruar gjithashtu se, do të përdorë të gjitha fuqitë e tij kundër Polonisë.

Gjykata Kushtetuese e Polonisë vendosi tё enjten se, nenet kryesore të një prej traktateve kryesore të BE-së ishin të papajtueshme me ligjin polak.

Vendimi hodhi poshtё parimin se ligji i BE-së ka përparësi mbi legjislacionin kombëtar në fusha të caktuara gjyqësore.

Mbrojtja e reformës polake

Në aspektin praktik, ky vendim prezanton aspekte të një Polexit-i ligjor sepse do të thellojë problemin e bashkëpunimit gjyqësor midis gjykatave polake dhe evropiane, në veçanti njohjen reciproke të gjykimeve,” tha Patryk Wachowiec, studiues në Qendrën Bingham për Sundimi i ligjit për BBC.

Komisioni Evropian thotë se ndryshimet kanë minuar pavarësinë gjyqësore dhe kanë hapur gjykatat për ndërhyrje politike.

Gjykata Kushtetuese ishte objektivi i parë i reformës së partisë Ligji dhe Drejtësia e Polonisë (PiS).

Ajo tani dominohet nga gjyqtarë që janë simpatikë ndaj palës, njëri prej të cilëve u emërua në mënyrë të paligjshme, sipas Gjykatës Evropiane për të Drejtat e Njeriut.

Megjithatё, politikani më i fuqishëm i Polonisë, kryetari i PiS, Jaroslaw Kaczynski, këmbëngulin se Polonia dëshiron të qëndrojë në BE.

Ata akuzojnë opozitën e fragmentuar të vendit për përhapjen e “lajmeve të rreme” për të frikësuar një elektorat që mbështet në mënyrë dërrmuese anëtarësimin, edhe nëse tani më shumë polakë shprehin shqetësime për humbjen e sovranitetit ndaj BE -së.

Terlecki, i cili është kreu i grupit parlamentar të partisë PiS në pushtet, këmbënguli se Polonia donte të qëndronte, por tha se “zgjidhjet drastike” do të duheshin kërkuar nëse konflikti nuk zgjidhej.

Ndoshta partia po përgatit terrenin për një dalje eventuale sapo Polonia të paguajë më shumë para në buxhetin e BE -së sesa merr.

Komisioni Evropian ende nuk ka miratuar planin e Polonisë për rimëkëmbjen e COVID prej 57 miliardë eurosh, para që i duhen qeverisë për të financuar “Marrëveshjen polake” të saj kryesore.

Negociatat janë duke vazhduar dhe disa sugjerojnë që qeveria po përdor vendimin si një levë për të rënë dakord për planin. Vendimi nuk hyn në fuqi derisa të publikohet.

Edhe pse qeveria është e detyruar ligjërisht ta bëjë këtë, ajo nuk ka arritur të publikojë vendimet në të kaluarën.

Çfarë ka ndodhur?

Sipas një vendimi të Gjykatës Kushtetuese polake pjesë të së drejtës së BE -së janë të papajtueshme me kushtetutën e vendit.

Vendimi mund të nxisë më tej mosmarrëveshjen midis Varshavës dhe Brukselit.

Gjykata Kushtetuese polake në Varshavë vendosi që pjesë të së drejtës së BE-së janë të papajtueshme me të drejtën kombëtare polake.

Konkretisht çështja lidhej me pyetjen nëse dispozitat e traktateve të BE-së, me të cilat Komisioni i BE-së justifikon të drejtën e tij për të thënë një fjalë në çështjet e sundimit të ligjit, janë në përputhje me kushtetutën polake.

Gjykata e kishte shtyrë vendimin për këtë çështje disa herë.

Si arsye u tha në fund se ishin paraqitur aspekte të reja dhe gjykatës i duhet kohë për të formuluar pyetje në lidhje me to.

Komisioni i BE-së reagoi “i shqetësuar” ndaj gjykimit të Gjykatës Kushtetuese Polake.

Presidentja e Komisionit Evropian, Ursula von der Leyen, deklaroi se ligji i BE-së qëndron mbi të.

Sipas von der Leyen, traktatet evropiane janë shumë të qarta.

Zyrtarja e lartë evropiane u shpreh se të gjitha gjykimet e Gjykatës së Drejtësisë të BE-së janë detyruese.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.