Mesfushori i Juventus-it, Paul Pogba, rrëfeu se tentativa e rrëmbimit të tij në mars të vitit të kaluar kishte një “ndikim të madh” në trupin dhe lëndimet e tij.
Francezi u dëgjua nga gjyqtarët në Francë në fund të marsit të këtij viti, si pjesë e gjyqeve në vazhdim rreth një rasti të zhvatjes dhe krimit të organizuar që përfshin vëllain e madh të Pogba-s, Mathias.
Pesë individë u arrestuan dhe më vonë u akuzuan për rrëmbim dhe përpjekje për të zhvatur ish-yllin e Manchester United-it në një incident në Paris më 19 mars 2022, duke përfshirë vëllain e tij dhe një numër miqsh fëmijërie.
INFO L'ÉQUIPE. Paul Pogba a été ré-entendu par les juges le 28 mars dernier. Et est toujours en quête de vérité sur son incroyable séquestration du 19 mars 2022 https://t.co/6raK58zzzP pic.twitter.com/gxfmES4zBO
— L'ÉQUIPE (@lequipe) April 18, 2023
Pogba i kishte thënë më parë policisë se grupi “i drejtoi armët” atij në një provë “të frikshme”, gjatë së cilës atij iu tha të paguante 13 milionë euro për “mbrojtjen” që do të merrte në të ardhmen.
Në dëshminë e tij më të fundit në sallën e gjyqit, Pogba u tha juristëve: “Ajo sprovë pati një ndikim të madh në trupin tim dhe dëmtimet e mia”.
Pogba është paraqitur rrallë për Juventus-in që kur u kthye në Torino menjëherë pas incidentit marsin e kaluar, me vetëm 46 minuta futboll të ekipit të parë në katër paraqitje.
Francezi do të synojë të përfshihet për bardhezinjtë kundër Sporting Lisbonës në ndeshjen e dytë çerekfinale të Europa League të enjten në mbrëmje, por u tha nga Massimiliano Allegri se Pogba nuk është ende në një gjendje ideale për të filluar ndeshjet nga fillimi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Apeli i ‘shurdhët’ i Celibashit për mundësimin e votës së diasporës
-
Si ‘gangsterët’ ballkanikë u bënë furnizuesit kryesorë të kokainës në Evropë
-
Lirimi nga burgu i themeluesit të Agimit të Artë zemëron antifashistët grekë
-
Kosova tenton ta bindë BE-në për heqjen e masave ndëshkuese – nëpërmjet fotografive