Paul Pogba pritet të mungojë në ndeshjet e mbetura të Juventus-it gjatë këtij sezoni, pasi mori diagnozën zyrtare të dëmtimit të kofshës që pësoi gjatë fitores 2:0 ndaj Cremonese të dielën mbrëma.
Juventus-i lëshoi një deklaratë të shkurtër në faqen e klubit këtë të hëne pasdite, duke zbuluar se francezi ka pësuar një dëmtim në kofshën e majtë dhe se procesi i rehabilitimit tashmë ka filluar.
Lëndimi nuk është i parëndësishëm, por fatmirësisht për Pogba-n, është më pak i rëndë se sa ishte menduar fillimisht.
Sipas “SportMediaset”, periudha e zakonshme e pushimit nga puna për një dëmtim të këtij lloji pritet të zgjasë mbi 20 ditë dhe me mbylljen e sezonit të Serisë A më 4 qershor, nuk ka gjasa që Pogba të paraqitet për Juventus-in para fundit të këtij sezoni.
Le condizioni di Pogba ⤵️
— JuventusFC (@juventusfc) May 15, 2023
Pogba e mori lëndimin pak më shumë se 20 minuta në fillimin e tij të parë për “Zonjën e Vjetër” që nga rikthimi i tij në Torino nga Manchester United në verën e vitit 2022 dhe është paraqitur vetëm për një total prej 159 minutash gjatë këtij sezoni.
30-vjeçari u përshëndet nga një valë mesazhesh në internet pasi u dëmtua kundër Cremonese-s dhe u prit gjithashtu nga një numër fansash teksa u fut në klinikë për teste të hënën në mëngjes.
Lëndimi i tij do të thotë se ai patjetër do të jetë i padisponueshëm për Massimilano Allegri-n për ndeshjen e dytë gjysmëfinale të Ligës së Evropës kundër Sevilla-s të enjten, por në rast se ekipi i tij kualifikohet në finale, atëherë Pogba mund të jetë në dispozicion.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Apeli i ‘shurdhët’ i Celibashit për mundësimin e votës së diasporës
-
“Reporterët Pa Kufij”: Liria e shtypit në Shqipëri po kërcënohet nga politika
-
Turqia ndalon tregtinë me Izraelin, derisa të ‘lejohet hyrja e pandërprerë e ndihmave në Gaza’
-
Kosova tenton ta bindë BE-në për heqjen e masave ndëshkuese – nëpërmjet fotografive