Andrea Pirlo i rikthehet punës së trajnerit pas një pauze të shkurtër.
Ish-mesfushori italian, do ta vazhdojë aventurën në Itali, derisa mediat raportojnë se së shpejti do ta marrë detyrën e trajnerit të klubi i Sapdoria-s.
44-vjeçari ka gjetur gjuhën e përbashkët me drejtuesit e Sampdoria-s. Skuadra e njohur italiane, dështoi totalisht në sezonin e fundit dhe u rrëzua në Serie B dhe objektivi i Pirlo-s është ta rikthejë mes më të mirëve.
“Sky Sport” shkruan se pas tri takimeve mes tij dhe presidentit Radrizzani, u arrit akordi final.
Pirlo do të firmosë një kontratë dyvjeçare me klubin nga Genoa, me opsionin e zgjatjes së bashkëpunimit me një tjetër vit.
Pirlo e nisi karrierën si trajneri i Juventusit. Me bardhezinjtë fitoi Kupën dhe Superkupën e Italisë. Ndërkohë, sezonin e fundit e kaloi në Superligën turke te skuadra e Karagumuruk, të cilën e drejtoi deri para një muaji.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Veliaj pretendon sërish se ‘takimin me SPAK e ka kërkuar vetë’
-
Ngjarja tragjike në Shkodër, gjendet trupi i fëmijës së dytë
-
Universiteti Columbia në New York anulon ceremoninë kryesore të diplomimit, për shkak të protestave në Gaza
-
Kurti, ambasadorëve të QUINT-it: Normalizimi i marrëdhënieve me Serbinë s’duhet të përzihet me anëtarësimin e Kosovës në KiE