Aktorja e njohur amerikane, Anavera Avery “Bella” Throne, dhe këngëtari italian, Benjamin Mascolo, kanë kurorëzuar dashurinë e tyre me fejesë, gjë të cilin e kishin paralajmëruar një muaj më parë përmes rrjetit social të Instagram-it.
Ceremonia e fejesës u realizua në Los Angeles, teksa Throne ishte përkujdesur që për këtë datë me rëndësi në jetën e saj, të vishte nje fustan elegant që do të vinte në pah linjat e saj trupore, i cili ishte krijuar enkas për të nga disenjatori kosovar, Valdrin Sahiti.
Një fustan ngjyrë kuq të ndezur, me një prerje strikte që zbulonte këmbën e saj të majtë teksa tek krahët ishte i lëshuar, dhe pas shpinës ishte i gjatë si një lloj pelerine, ishte modeli unik me të cilin Bella Throne u vesh në natën e fejesës së saj.
Throne, kishte kombinuar fustanin glamuroz me ngjyrën e flokëve të saj mbi të cilat kishte varur një kurorë, duke i dhënë vetes përfundimisht epitetin e “princeshës”.
Dukja e Bellas rezervoi shumë komente pozitive nga të pranishmit në festë, e edhe nga ndjekësit në rrjete sociale të çiftit.
Mascolo, duket të ishte mahnitur me pamjen e kuruar deri në detaje të Bellas për fejesën e tyre, teksa ai nuk ka hezituar t’i publikoj edhe fotografitë menjëherë pas eventit.
Dyshja, Thronje dhe Mascolo, e kanë publikuar lidhjen e tyre qysh para dy vitesh, përmes postimeve të shumta në llogaritë e tyre të Instagramit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Intervistë e Albanian Post me Ziadin Selën: “VLEN” fliste për Kurtin në fushatë dhe harruan partitë e tyre, tash e thërrasin zëshëm emrin e Mickoski-t
-
Berisha i kërkon Gjykatës së Lartë leje për paraqitje në Kuvend
-
Pse Izraeli dhe aleatët e tij i frikësohen ICC-së?
-
Premtimi i Kurtit për Kodin Civil “shpresa e fundit” për t’i shpëtuar presionit për Asociacionin