![](https://albanianpost.com/wp-content/uploads/2022/02/kuvendi-i-kosoves.jpg)
Për 11 vjet deputetët e Kuvendit të Kosovës kanë shpenzuar 1 milionë e 130 mijë e 820 euro nga buxheti i Kosovës për udhëtime.
Në listën e publikuar nga Kuvendi i Kosovës, e që përfshinë periudhën prej vitit 2011 deri në vitin 2021, viti 2012 ka qenë viti më i kushtueshmi në këtë drejtim ku janë shpenzuar 173 mijë e 470 euro për udhëtime të deputetëve.
Në vitin 2011 u shpenzuan 29 mijë e 460 euro, në vitin 2013 deputetet shpenzuan 163 mijë e 680 euro ndërsa një vit më pas, 2014, u shpenzuan 73 mijë e 240 euro.
Deputetët në vitin 2015 shpenzuan 119 mijë e 900 euro, në vitin 2016, 90 mijë e 913 euro, një vit më pas, 2017, 54 mijë e 209 euro
Në vitin 2018 deputetët shpenzuan 157 mijë e 219 euro, një vit më vonë shpenzimet ranë në 76 mijë e 800 euro. Ndërsa në vitin 2020 u shpenzuan 91 mijë e 328 euro dhe në vitin 2021, 100 mijë e 530.
Deputeti kompensohet për shpenzimet e udhëtimit si në vijim, pra deri në 30 km – 10 euro, deri në 60 km – 20 euro dhe mbi 60 km – 30 euro, për pjesëmarrje në punimet e seancës plenare dhe në komisione.
Kompensimi i shpenzimeve të udhëtimit nuk nënkupton shpenzimet për derivate, por për të gjitha mënyrat e udhëtimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti uron Berset: Kosova thellësisht e përkushtuar për vlerat themelore të Këshillit të Evropës
-
Bajrami thotë se raporti që iu dërgua BE-së për Banjën është “faktik” dhe “bindës”
-
“Pa u sanksionuar Serbia, s’do të ketë dialog”: Kurti harron kushtin e vendosur vetë pas Banjskës
-
Sarrazin: Është në interes të Rusisë destabilizimi i Ballkanit Perëndimor