Pema më e vjetër në Evropë thyhet nga dëbora

Bredhi “Tikko i Vjetër”, i cili ka 9 mijë e 565 vjet që rritet në Parkun Kombëtar Fulufjellet në Suedi dhe që besohet të jetë pema më e vjetër në Evropë, është thyer për shkak të reshjeve të mëdha të borës në javët e fundit.

Lajmi u bë i ditur nga transmetuesi vendas “SVT”.

Si pasojë e motit të keq, “Old Tikko” humbi kreshtën e tij dhe tani ka një lartësi vetëm rreth katër metra në vend të pesë.

“Zakonisht mund ta shihni menjëherë, por jo këtë herë. Thjesht kishte një pamje krejtësisht të ndryshme nga zakonisht. Është shumë e goditur tani”, thotë udhëzuesi i Fulufjellet, Tommy Lennebeke.

Vetë trungu i “Tikkos së Vjetër” është disa qindra vjeçar, por rrënjët e tij janë rritur për gati dhjetë mijë vjet, prandaj konsiderohet si pema më e vjetër në Evropë.

Shkencëtarët besojnë se gjatë kësaj kohe bima u përshtat me ndryshimin e kushteve mjedisore dhe evoluoi nga një shkurre që u rrit afër tokës në një pemë.

Shkencëtari suedez Leif Kullman, i cili e zbuloi atë në vitin 2008, e quajti bredhin “Old Tikko” për nder të qenit të ndjerë.

Për një kohë, pema u konsiderua më e vjetra në botë, por më vonë u zbuluan ekzemplarë edhe më të vjetër – për shembull, plepat në Parkun Kombëtar Fishlake në SHBA, rrënjët e të cilëve janë tashmë 80 mijë vjet të vjetra.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.