Kryetarja e Dhomës së Përfaqësuesve të SHBA-ve, Nancy Pelosi ka në plan të vizitojë Armeninë dhe të takohet me kryeministrin vendas Nikol Pashinyan në mes të përshkallëzimit në kufirin armeno-azerbajxhan ditët e fundit.
Lajmi u bë i ditur nga “Politico”, duke iu referuar dy burimeve të informuara.
Pelosi thuhet se do të vizitojë Armeninë në rrugën e saj për të marrë pjesë në takimin e liderëve parlamentar të G7-ës pas një ndalese në Berlin.
Ajo do të shoqërohet nga kongresmenia demokrate Jackie Speier, e cila ka origjinë armene.
Vizita e Pelos-it pritet të jetë një sinjal i rëndësishëm politik i mbështetjes së SHBA-ve për Armeninë në konfliktin e saj me Azerbajxhanin, si dhe një trashëgimi për kryetaren, e cila ka të ngjarë të mos udhëheqë më Dhomën e Përfaqësuesve pas zgjedhjeve të nëntorit.
Kujtojmë se luftimet intensive në kufirin armeno-azerbajxhan filluan mesnatën e 13 shtatorit.
Baku zyrtar pretendon se ata përdorën forcën për shkak të “provokimeve” me të cilat Jerevani dyshohet se po përpiqet të prishë procesin e paqes midis dy vendeve.
Pala armene e hedh poshtë kategorikisht këtë akuzë.
Në mbrëmjen e 14 shtatorit, Sekretari i Këshillit të Sigurimit të Armenisë, Armen Hryhoryan, tha se falë pjesëmarrjes së bashkësisë ndërkombëtare, u arrit një marrëveshje për një armëpushim me Azerbajxhanin.
Azerbajxhani thotë se ka humbur 71 ushtarë në luftimet e kësaj jave, ndërsa Armenia raporton 105 ushtarakë të vdekur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Anëtarësimi në KiE, Tahiri: Qeveria të tregohet e mençur, mos ta lerë Kosovën të izoluar
-
Rama: Kush flirton me korrupsionin nuk ka punë me ne
-
Presidenti i Kinës sulmon NATO-n për bombardimin e Serbisë para vizitës në Beograd
-
Kurti me lëvdata për Bashkim Jasharin: Akoma se ka prekur gjysmën e mandatit, rritja e FSK-së është e paparë
