Mungesa e Daniele Orsato-s si gjyqtar në një ndeshje të Inter-it zgjati plot tre vite. E thënë ndryshe, kanë kaluar 1 mijë e 232 ditë, që kur ai arbitroi një ndeshje të zikaltërve.
Inter – Juventus ka qenë përballja e fundit e arbitruar nga Orsato, përsa i përketë skuadrës nga Milano. Një ndeshje ku ai mori një sërë kritikash për “rastin Pjaniç”, pasi u konsiderua një karton i kuq i falur për bardhezinjtë.
Në atë kohë, ishe një sfidë vendimtare, veçanërisht për Juventus-in, që arriti të përmbysë rezultatin në 3-2 falë golave të Juan Cuadrado-s dhe Gonzalo Higuain-it.
Gianluca Rocchi, tashmë ka dhënë vendimin final dhe Orsato rikthehet të gjykojë një ndeshje të Inter-it.
Në stadiumin “Luigi Ferraris”, ditën e diel në orën 12:30, Orsato do të mbajë drejtësinë në përballjen e vendasve të Sampdoria-s me Inter-in.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
Tritol banesës së gjyqtarit, reagon ministri i Drejtësisë
-
Macron dëshiron të hapë debatin mbi parandalimin bërthamor evropian
-
Pas Prizrenit, më 2 maj edhe Tirana e dekoron Ali Ahmetin me titullin “Qytetar Nderi”
