“Terroriste”. Kështu e ka përshkruar administratën aktuale ruse një mocion i miratuar nga parlamenti çek.
Mocioni ka veçuar sulmet e përhapura ndaj objektivave civile ukrainase dhe infrastrukturës kryesore të energjisë.
129 nga 156 deputetë të pranishëm në dhomën me 200 vende e miratuan mocionin, çka nënkupton se disa dhjetëra deputetë të opozitës ka të ngjarë të kenë votuar me qeverinë.
Sakaq, u kundërshtua nga të 14 deputetët e partisë së ekstremit të djathtë SPD.
Qeveria çeke e qendrës së djathtë është një nga mbështetëset më të forta të Ukrainës.
Po ashtu ka qenë ndër të parat që dërgoi armë të rënda – përfshirë tanke – për forcat e armatosura ukrainase.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
