Ministri i Punëve të Jashtme, Bujar Osmani, nëpërmjet cicërime në Twitter ka njoftuar se Maqedonia e Veriut do të ndalojë aeroplanët rus nga hapësira e saj ajrore.
“Maqedonia e Veriut sapo ka vendosur t’u bashkohet shteteve të tjera të BE-së në ndalimin e linjave ajrore Rusisë nga hapësira ajrore e Maqedonisë së Veriut”, ka shkruar Osmani.
Ai ka potencuar se “ne jemi të vendosur në mbështetjen tonë për Ukrainë dhe i bëjmë thirrje Rusisë që të ndërpresë menjëherë veprimet ushtarake”.
. @Vlada_mk has just decided to join other #EU states in banning the 🇷🇺 airlines from 🇲🇰 airspace. We are resolute in our support for #Ukraine & call #Russia to immediately cease the millitary actions. #StandWithUkraine @DmytroKuleba @MFA_Ukraine @UKRinMKD
— Bujar Osmani (@Bujar_O) February 27, 2022
Edhe Qeveria italiane ka vendosur te mbyllë hapësirën ajrore për avionët rusë, duke iu bashkuar kështu vendeve të tjera evropiane.
Ata i mbyllën hapësirat e tyre për avionët ruse që mëngjesin e 27 shkurtit.
Ndërkaq Ukraina ka paraqitur kërkesën e saj kundër Rusisë në Gjykatën Ndërkombëtare të Drejtësisë.
Këtë e ka bërë të ditur presidenti i Ukrainës, Volodymyr Zelenksyy, mesditën e 27 shkurtit, përmes një postimi në median sociale Twitter.
“Rusia duhet të mbajë përgjegjësi për manipulimin e nocionit të gjenocidit për të justifikuar agresionin”.
Zelenskyy shkruan se “kërkojmë një vendim urgjent që urdhëron Rusinë të ndërpresë aktivitetin ushtarak që tani” dhe “presim që gjyqet të fillojnë javën e ardhshme”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
