Në listën e kompozimeve të interpretuara rrallë nga Antonio Vivaldi përfshihet një opera me titull “Skënderbeu”. Fillimisht, ajo u shfaq në “Teatro della Pergola” në Firence, më 22 qershor 1718.
Teatri deri më sot mbetet një margaritar midis teatrove të Firenze-s. Me rastin e rihapjes së saj, Vivaldi kishte zgjedhur të prodhonte një opera.
Fakti që Vivaldi kishte zgjedhur Skënderbeun si subjekt të një opera, kompozuar posaçërisht për atë rast të rëndësishëm, konfirmon ndikimin që heroi shqiptar kishte në botën e civilizuar gati 300 vjet pas jetës së tij heroike.
Vetëm disa nga arjet e operave të Vivaldi-t mbetën në Torino, së bashku me libreton që arkivohet në një bibliotekë në Bolonjë.
Një tjetër opera me titull “Skënderbeu” u kompozua nga kompozitori francez i shekullit të 18-të, Francois Francouer. Ajo u vu në akt në shfaqje të komanduara para madhështive të tyre, Mbretit Luigji XV dhe Mbretëreshës Maria Charlotte në Fontainebleau më 22 tetor 1763.
E gjithë opera ka mbijetuar, përfshirë edhe një version origjinal dhe të rishikuar, libretet dhe partiturat muzikore. Punimet e plota janë vendosur në një bibliotekë në Paris.
Sipas të dhënave të siguruara kohët e fundit nga Peter Rennie i Shoqatës Anglo-Shqiptare të Londrës, ishte dhe një opera e tretë e kompozuar për Skënderbeun nga Bernard Germain le Comte de Lacepede (1765-1805).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
‘Evropa mund të vdesë’ – Cilat janë propozimet e Macron për ta shpëtuar?
-
Edhe Britania e do Asociacionin sa më shpejt që të jetë e mundur
