Operacioni i SPAK-ut dhe Policisë së Shtetit, Rama: Shembulli më kuptimplotë i fuqizimit të organeve ligjzbatuese
Kryeministri i Shqipërisë, Edi Rama, ka përshëndetur operacionin e Prokurorisë së Posaçme dhe Policisë së Shtetit për goditjen e grupeve kriminale, të shpërndara në disa qytete të vendit.
Rama e ka cilësuar si shembullin më kuptimplotë të fuqizimit të organeve ligjzbatuese dhe vendosmërisë së madhe për ta goditur krimin e organizuar me të gjithë forcën e ligjit.
“Respekt për këtë shembull kaq domethënës. Mbështetje deri në fund”, përmbyllet mesazhi i Kryeministrit në median sociale Twitter.
Operacioni i sotëm i SPAKUT dhe Policisë së Shtetit është shembulli më kuptimplotë i fuqizimit të organeve ligjzbatuese dhe vendosmërisë së madhe për ta goditur krimin e organizuar me të gjithë forcën e ligjit! Respekt për këtë shembull kaq domethënës. Mbështetje deri në fund!
— Edi Rama (@ediramaal) May 19, 2022
Më herët, edhe ministri i Brendshëm, Bledi Çuçi, reagoi duke theksuar se nuk ka kompromis me krimin e organizuar.
Kraja tha se, nga hetimet, u zbulua një rrjet i gjerë kriminal, ku kanë qenë të përfshirë në një sërë ngjarjesh të rënda kriminale të ndodhura në qytete të ndryshme.
Policia e Shtetit, me urdhër të SPAK-ut, nisi një aksion në disa qytete të vendit. Operacioni i Policisë ka vijuar në Tiranë, Elbasan, Korçë, Durrës dhe Fier.
Ky aksion ka ardhur pas rrëfimit të Nuredin Dumanit – i arrestuar më 29 mars të këtij viti. Dumani ishte një nga personazhet më të kërkuara të botës së krimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Meta paralajmëron të tjera dosje të nxehta nga SPAK, më të mëdha se “5D” e Bashkisë Tiranë
-
Ngrihet Kryesia Ekzekutive e Partisë së Lirisë
-
Shqipëria drejt prodhimit të dokumenteve digjitalë të identifikimit
Lajmet kryesore
-
Kearns kërkon të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
-
Gjykata Evropiane vendos: EncroChat dhe SkyECC nuk cilësohen prova
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Kryeziu tenton t’ia “ilustrojë” Stanos “de-përshkallëzimin” në veri: Prandaj, masat duhet të hiqen