Ka përfunduar ndeshja e dytë në Grupin A, midis Uellsit dhe Zvicrës. Të dy skuadrat kanë ndarë nga një pike, pas barazimit 1-1.
Ndeshja fliste më shumë për zvicerianët, të cilët në pjesën e parë arritën ta kontrollonin topin 72% dhe të lëshonin 11 goditje drejt portës kundërshtare, ndërsa Uellsi goditi vetëm dy herë.
Me gjithë përpjekjet e zvicerianëve, pjesa e parë u mbyll me rrjeta të paprekura. Në pjesën e dytë, gjithçka ndryshoi. Zvicra ishte më kërkuese deri në momentin që shënoi golin.
Breel Embolo shënoi për 0-1 në minutën e 49-të, pas asisitit të Xherdan Shaqirit. Por, ndeshja do të barazohej në minutën e 74-të, nga Kieffer Moore.
Në minuten e 86-të, vetëm dy minuta pasi u fut në fushën e lojës, Mario Gavranoviç-i, shënoi për 1-2, por pas ndërhyrjes së VAR, goli u cilësua i parregullt, pasi lojtari ishte në pozicion jashtë loje. Minutat e mbetura nuk prodhuan ndryshim rezultati dhe dy ekipet morën nga një pikë.
Lojtari i ndeshjes sipas Sofascore ishte Embolo, i vlerësuar me notën 8.2.
Grupi A, kryesohet nga Italia me tre pikë, ndiqet nga Uellsi dhe Zvicra me nga një pikë dhe Turqia në vendin e fundit me zero pikë.
Ndeshjet e radhes në këtë grup do të jenë: Itali – Uells dhe Zvicër – Turqi. Të dy ndeshjet do të luhen në orën 18:00, më 20 qershor. Italia do të luajë në Romë, ndërsa Zvicra në Baku.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Zgjedhjet: Deri në ora 17:00 votuan 46.93% për parlamentare, 42.33% për presidenciale – arrihet censusi
-
Banka e Shqipërisë nuk e ndryshon normën bazë të interesit, Sejko thotë se inflacioni po bie
-
Mitsotakis: Ardhja e Ramës në Athinë është e panevojshme, s’ka ftesë nga Qeveria greke
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin