UEFA, FIFA dhe krijuesit e ligës më të re, Superligës, tashmë janë në një luftë të hapur kundër njëra tjetrës.
Dy institucionet më të larta të futbollit botëror, FIFA dhe UEFA, kanë kërcënuar tre skuadrat e mbetura në Superligë, Real Madrid, Barcelona dhe Juventus, do t’i përjashtojnë nga eventet e tyre.
Pas këtyre kërcënimeve, drejtuesit e Superligës, kanë vendosur që çështjen ta adresojnë në Gjykatën e Drejtësisë Evropiane.
Një problem i thellë sa ky, pa dyshim nuk mund të zgjidhet sa hapë e mbyllë sytë.
Por, pas gjykatës së Madrid-it, edhe Ministria e Drejtësisë (MD) në Zvicër, ka konfirmuar që asnjë nismë ligjore nuk mund të ndërmerret ndaj pjesëmarrësve në Superligë.
“Nuk ka asnjë dënim për diçka krejtësisht legjitime”, shkruan në njoftimin e MD-së së Zvicrës.
Krijimi i një kompeticioni të ri, nuk bie ndesh me asnjë ligj të Bashkimit Evropian.
Kjo do të thotë që ideja e Superligës është ende gjallë, dhe shumë e fortë.
Siç raportojnë gazetat me të mëdha Evropiane, asnjë skuadër nuk ka japur dorëheqjen zyrtarisht nga kjo ligë.
12 skuadra ende mbesin të përfshira, e Superliga pritet të marrë përfundimisht dritën jeshile pas shqyrtimit të qështjes në Gjykatën e Drejtësisë Evropiane.
Javët e muajtë e ardhshme, do të jenë shumë të rëndësishme për të ardhmen e dy institucioneve më të larta të futbollit, FIFA dhe UEFA.
Fundi i një epoke , e fillimi i një epoke të re, mund të ndodhë shumë shpejtë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
