Numri i njerëzve në të gjithë botën që përdornin faqe interneti ose aplikacione ka rënë me 10 pikë që nga viti 2018, me grupet e reja që preferojnë të lexojnë lajmet përmes mediave sociale.
Publiku i kushton më shumë vëmendje personave të famshëm dhe influencuesve sesa gazetarëve në platforma të tilla si TikTok, Instagram dhe Snapchat, ka thënë Instituti për Studimin e Gazetarisë në raportin vjetor.
Sipas raportit, TikTok është rrjeti social me rritjen më të shpejtë, me 20% të njerëzve në grupmoshën 18-24 vjeç që e përdorin për të marrë lajme, duke treguar një rritje prej pesë pikësh krahasuar me vitin e kaluar.
Në anketën e kryer në 46 vende, përfshirë SHBA-në, rezultoi se më pak se gjysma e të anketuarve interesoheshin shumë për lajmet në përgjithësi.
Sondazhi gjithashtu tregon se besimi në mediat tradicionale ka rënë vitin e kaluar, ndërsa njerëzit ende preferojnë që lajmet të zgjidhen nga algoritmet në vend të redaktorëve ose gazetarëve.
Ndërkaq, 56% e njerëzve thonë se janë të shqetësuar për të gjetur ndryshimin midis lajmeve reale dhe të rreme në internet – dy pikë më shumë se vitin e kaluar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Erion Veliaj paraqitet në SPAK për inceneratorin e Tiranës
-
IDF finalizon planet e Rafah, 72 orët vendimtare
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”