Një “sulm i ri terrorist” u njoftua në Transnistri

Në Transnistrinë e panjohur, një person i lidhur me “një nga forcat e sigurisë të Moldavisë” u akuzua se i vuri zjarrin një zyre të regjistrimit ushtarak në Tiraspol.

Lajmi është raportuar nga agjencia moldave “NewsMaker”.

Më 23 maj, e ashtuquajtura “ministri” e republikës së panjohur publikoi një artikull të titulluar “Sabotazh dhe sulm terrorist në Tiraspol”.

Kjo, në lidhje me një “hetim” të përbashkët të forcave të ndryshme të sigurisë në Transnistri.

Ajo pretendon se zyrës së regjistrimit ushtarak në Tiraspol iu vendos flaka me udhëzimet e një njeriu të lidhur me “strukturën e pushtetit të Moldavisë”.

Autori i zjarrvënies, i cili paraqitet si shtetas moldav tregon për këtë në një video. Ai u ndalua më 18 maj në Tiraspol.

Sipas videos, ai rrezikon deri në 20 vite burg.

Në video thuhet gjithashtu se i njëjti “kurator” organizoi një fotosesion me pjesëmarrjen e burrave me uniformën e ushtrisë ruse dhe gjithashtu kërkoi të gjente një ushtarak nga grupi i punës i trupave ruse në Transnistri.

Më 7 maj, shpërthime të reja u raportuan në Transnistria në një fshat pranë kufirit me Ukrainën.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.