Një grua është plagosur në Vlorë nga një shtetas, pas ditëve të tëra përndjekjesh dhe kërcënimesh, teksa personi i dyshuar për kryerjen e aktit është shpallur në kërkim.
Kështu ka bërë me dije Policia e Vlorës ditën e sotme, pas regjistrimit të një procedimi penal për çështjen.
Specialistët për Hetimin e Krimeve të Komisariatit të Policisë Vlorë referuan materialet në Prokurori dhe shpallën në kërkim shtetasin I. Sh., 37 vjeç, banues në Vlorë, pasi ditën e djeshme, në lagjen “Isa Boletini”, dyshohet se për motive të dobëta, ka kanosur dhe ka goditur me një send të fortë në kokë, shtetasen E. K.(D), 39 vjeçe, banuese në Vlorë.
Shërbimet e Policisë vijojnë kërkimet për kapjen e shtetasit I. Sh.
Materialet procedurale i kaluan Prokurorisë, për veprime të mëtejshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com