Zbulimi i një statuje të gjeneralit të vrarë iranian, Qassem Soleimani në Beirut ka shkaktuar polemika në Liban.
Busti prej bronzi i gjeneralit Soleimani u zbulua të martën nga komuna e Ghobeiry-t.
Kjo komunë është një bastion i Hezbollahut.
Statuja u vendos pranë aeroportit të Beirut-it për të përkujtuar rolin e gjeneralit të vrarë në luftërat e Libanit me Izraelin.
Soleimani u vra në një sulm amerikan me dron pranë aeroportit të Baghdad-it një vit më parë.
Shumë libanezë, kryesisht kritikë të Hezbollahut, shprehën kritika në mediat sociale.
Postera gjigantë të Soleimani-t janë vendosur përgjatë autostradës së aeroportit, në rrugë dhe në lagje ku Hezbollah-u gëzon mbështetje.
Këto zhvillime kanë shkaktuar reagime dhe polemika në vend.
Të dielën, persona të paidentifikuar kanë djegur një poster të Soleimani-t në Bekaa.
Të hënën, portrete të tjera të Soleimani-t u dogjën në veri të Beirut-it.
Vrasja e Soleimani-t rriti ndjeshëm tensionet në rajon.
Forca të ndryshmne ne Irak dhe Hezbollahu, aleatët më të ngushtë të Iranit në rajon, kanë bërë thirrje për dëbimin e trupave amerikane nga rajoni./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Shifra rekord për numrin e fluturimeve dhe të pasagjerëve, tregon INSTAT
-
Firmat kineze kalojnë ‘nëntokë’ në pagesat e Rusisë ndërsa bankat tërhiqen
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”