Netanyahu: “Ne po përgatitemi për një hyrje tokësore, nuk do të them se kur”

Pas një vonese të dukshme të vazhdueshme në nisjen e inkursionit tokësor të IDF-së, kryeministri izraelit Benjamin Netanyahu pohoi në një fjalim drejtuar kombit se një inkursion tokësor po vjen, por pa e përcaktuar afatin kohor të saj.

“Ne po përgatitemi për një pushtim tokësor dhe nuk do të specifikoj se kur dhe si dhe nuk do të hyj në detaje për konsideratat që shumica e publikut nuk i di”, theksoi kreu i Qeverisë.

Netanyahu pohoi ndër të tjera se “jemi në kulmin e një lufte për ekzistencën tonë”.

Ai shtoi se dy qëllimet janë shkatërrimi i Hamasit dhe kthimi i pengjeve.

Netanyahu deklaroi po ashtu se të gjithë anëtarët e Hamasit “janë njerëz të vdekur që ecin”.

Sipas tij, kabineti po funksionon “pa konsiderata politike” dhe se ka pasur një vendim unanim për kohën e inkursioneve tokësore.

Kryeministri izraelit theksoi gjithashtu se ministritë e qeverisë po hartojnë plane për t’u kujdesur për të zhvendosurit në Izrael dhe për t’u kujdesur për pjesën tjetër të popullsisë.

Netanyahu nënvizoi se Izraeli po kërkon ndihmën e liderëve botërorë dhe se ata tani e kuptojnë se “Hamasi është ISIS dhe ISIS është Hamasi”.

Më pas ai u ndal edhe te dështimi i autoriteteve izraelite në parandalimin e sulmit të 7 tetorit, duke mos përjashtuar nga përgjegjësia as veten.

“Ne do të zbulojmë plotësisht se çfarë ndodhi në kufirin jugor dhe rreth Gazës. Ky dështim do të hetohet plotësisht. Të gjithë do të duhet të japin përgjigje – përfshirë edhe mua. Por e gjithë kjo do të ndodhë vetëm pas luftës. Si kryeministër unë jam përgjegjës për sigurimin e të ardhmes së vendit dhe tani është detyra ime ta çoj drejt fitores. Tani është koha për të bashkuar forcat për një qëllim”, shtoi Netanyahu.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.