Jakov Milatoviç, presidenti i zgjedhur i Malit të Zi në zgjedhjet e 2 prillit, do të inaugurohet të shtunën e 20 majit, duke marrë kështu zyrtarisht pozitën e të parit të shtetit malazez.
Milatoviç betimin e tij do ta bëjë në Kuvend, nga aty ai do të jetë zyrtarisht president i Malit të Zi.
Ceremonia e inaugurimit do të fillojë në ora 12:00 në parlamentin e Malit të Zi.
Siç është paralajmëruar, kryetarja e Kuvendit Danijela Gjuroviç do ta hapë seancën, e më pas do të këndohet himni kombëtar malazez.
“Pas kësaj, Milatoviç do të bëjë betimin dhe do të mbajë fjalimin inaugurues, i cili do të shënojë marrjen e detyrës si president i Malit të Zi”, thuhet në komunikatën e Kuvendit malazez, transmeton media malazeze “CaffedelMontenegro”.
Sipas protokollit të paraparë në këtë ditë, në orën 17:30 do të organizohet një koktej nga presidenti i Malit të Zi dhe bashkëshortja e tij në Villa Gorica
Sipas protokollit, në orën 17:30 do të organizohet një koktej nga Presidenti i Malit të Zi dhe bashkëshortja e tij në Villa Gorica.
Presidenti në Mal të Zi ka mandat pesëvjeçar.
Në këtë pozitë Milatoviç, do ta zëvendësojë veteranin e politikës malazeze, Milo Gjukanoviç, të cilin e mposhti në zgjedhjet e 2 prillit.
Ndërsa, në ceremoninë e inaugurimit të presidentit Milatoviç janë ftuar për të marrë pjesë të gjithë presidentët e rajonit, përfshirë këtu edhe presidenten e Kosovës, Vjosa Osmani, përkundër pretendimeve të disa mediave malazeze që e thonin të kundërtën.
Për ftesën e Vjosa Osmanit kishte bërë të ditur për Albanian Post këshilltari për media i presidentes, Bekim Kupina.
“Ftesa për Presidenten Osmani për pjesëmarrje në inaugurimin e presidentit Milatoviç ka ardhë”, kishte thënë Kupina për AP.
Ndryshe, Mali i Zi është vendi i fundit që është shkëputur nga Jugosllavia, dhe kjo jo më larg se në vitin 2006. Lëvizjen për shkëputjen nga Jugosllavia e kishte udhëhequr presidenti i deritanishëm malazez, Milo Gjukanoviç.
Kur Kosova e shpalli pavarësinë e saj, me 17 shkurt të vitit 2008, Mali i Zi vetëm disa muaj më pas, saktësisht me 9 tetor 2008, e kishte njohur pavarësinë e saj. Kryeministër në atë kohë ishte Gjukanoviç.
Njohja nga Mali i Zi për Kosovën ishte mjaft e rëndësishme, pasi që një vend fqinje po pajtohej me mëvetësinë e saj. Ishte vendi i 49 që e kishte njohur pavarësinë e Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ish-piloti i Marinës amerikane i arrestuar në Australi ka punuar me hakerët kinezë, thotë avokati
-
Hetimi ndaj Trump | Johnson: Do ta mbajmë përgjegjës Smithin për abuzimet
-
Vdes njeriu që kishte transplantuar për herë të parë veshkën e derrit
-
Zimmerman: Kosova mund të pranohet në Këshillin e Evropës si anëtare e asociuar
Lajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Putin shkarkon Shoigun dhe cakton një ministër të ri Mbrojtje, në mes të luftës
-
Zimmerman: Kosova mund të pranohet në Këshillin e Evropës si anëtare e asociuar