Nën hijen e ofensivës ndërkombëtare për ndryshime në Ligjin Zgjedhor në Bosnje dhe Hercegovinë dhe zbatimin e reformave të kufizuara kushtetuese, askush nuk e zë në gojë Vendimin e Gjykatës Kushtetuese të BeH-së të vitit 2000 që anëtarët e Presidencës së BeH-së nuk përfaqësojnë popullin, por qytetarët.
Ky fakt po injorohet, të paktën në ditën e parë të bisedimeve midis diplomatëve amerikanë e evropianë dhe përfaqësuesve politikë në BiH.
Përsëri, rruga është shtruar asisoji për të favorizuar presidentët e Partisë për Veprim Demokratik (SDA), dhe Unioni Demokratik i Kroatëve të BeH-së (HDZ) në Federatën e Bosnjes dhe Hercegovinës (FBeH), si faktorë kyç në ndryshimin e ligjit zgjedhor në BeH.
Mirëpo e vërteta qëndron në shifra, dhe është aritmetikisht mjaft e qartë.
Shifrat janë krejtësisht në disfavor të atyre që dëshirojnë të sigurojnë një përfaqësim legjitim në BeH.
Këto ditë Fronti Demokratik (DF) ka treguar se HDZ, SDA dhe SNSD (Aleanca e Social-demokratëve të Pavarur – partia e Dodikut) përfaqësojnë një numër të pamjaftueshëm qytetarësh për të folur në emër të popullit, për të argumentuar Rezolutën për paligjshmërinë e përfaqësimit të popullit dhe qytetarëve, gjë që nuk marrin mbështetjen e nevojshme në Parlamentin e FBeH-së.
DF deklaroi se 92,03% e banorëve të BeH-së (sipas regjistrimit të 2013) nuk pranojnë të përfaqësohen nga SDA dhe presidenti i tyre, 95,76% e tyre kundërshtojnë që HDZ-ja dhe presidenti i tyre ta bëjnë këtë, dhe 92,48% që të përfaqësohen nga SNSD dhe presidenti i tyre.
Sipas kësaj matematike, 84,08% e numrit të përgjithshëm të boshnjakëve në BeH (sipas regjistrimit të vitit 2013) nuk pranojnë që SDA dhe presidenti i tyre t’i përfaqësojnë ata në asnjë bazë, 72,49% e numrit të përgjithshëm të kroatëve në BeH (sipas regjistrimi i vitit 2013) nuk pranojnë që HDZ dhe presidenti i tyre t’i përfaqësojnë në asnjë bazë.
Situata nuk është ndryshe me popullin serb, prej të cilëve 75.57% nuk pranojnë që SNSD dhe presidenti i tyre t’i përfaqësojë në asnjë bazë.
Rekomandimet e Komisionit të Venecias, i cili konsiderohet si një nga grupet juridike më të rëndësishme në botë, mendimi i të cilit nuk duhet anashkaluar, edhe pse nuk ka asnjë instrument komandues, nuk i ndihmojnë etnonacionalistët.
Me sugjerimet e tyre, Komisioni i Venecias dëshiron të ndihmojë BeH-në të harmonizojë legjislacionin e saj me standardet e BE-së, kështu që pyetja logjike është pse përfaqësuesit e BE-së i shpërfillin këto fakte kur vijnë në BeH.
Në mënyrë të ngjashme, ndoshta më radikale është sjellja e Matthew Palmer-it në krye të administratës së ShBA-së për të monitoruar reformën zgjedhore në BeH.
Palmer doli hapur në anën e HDZ-së, e cila nuk kaloi pa u vënë re në Kongresin e ShBA, nga ku vijnë mesazhe të qarta se fuqia më e fortë në botë e sheh BeH-në si një vend multietnik, gjithëpërfshirës dhe demokratik.
Kjo është arsyeja pse është thelbësore që partitë politike me bazë në Sarajevë këto ditë të mos heqin dorë nga qëndrimi i përbashkët se nuk ka ndarje të mëtejshme.
Është e qartë se përgjigja boshnjake më në fund duhet të mbështetet në forcat e veta, siç paralajmërohet nga shfaqja e re e Përfaqësuesit të Lartë të (pa)aftë dhe të (pa)informuar, i cili (jo)qëllimisht thotë publikisht se BeH përbëhet nga dy entitete.
Do të ishte mirë që matematikën e FSH-së t’ua prezantonim përfaqësuesve ndërkombëtarë, sepse ata shpenzojnë me këmbëngulje 90 për qind të energjisë së tyre ekskluzivisht në biseda me drejtues të vetëshpallur “të popullit”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Balla thotë se është koha të krijohet shërbimi vullnetar zjarrfikës
-
Qeveria po e trajton si armike shtresën e mesme, sipas Bashës
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Nëse Trump fiton, do të kërkojë angazhim me 3% të PBB-së për vendet e NATO-s
Lajmet kryesore
-
Rama konfirmon vizitën në Athinë më 12 maj
-
SPAK mbyll hetimet, çon për gjykim Pëllumb Gjokën dhe anëtarë të tjerë të grupit kriminal
-
Nëse Trump fiton, do të kërkojë angazhim me 3% të PBB-së për vendet e NATO-s
-
Me ardhjen e Qeverisë Kurti ndryshoi qasja e Kosovës për marrëveshjen përfundimtare, thotë Lajçak