Efektivi italian i “Guardia di Finanza-s”, Franco Fumarola është nderuar nga kryebashkiaku i Martina Franca-s, Gianfranco Palmisano.
Kjo, për heroizmin e treguar gjatë shpëtimit të 243 pasagjerëve në tragetin që digjej midis Greqisë dhe Shqipërisë.
Lajmi u bë i ditur nga e përditshmja italiane “La Gazzetta del Mezzogiorno”.
“Ishte vërtet një gjest i madh altruizmi, një akt i vërtetë heroizmi duke pasur parasysh rreziqet me të cilat u përballën Franco Fumarola dhe kolegët e tij”, u shpreh fillimisht Palmisano.
Sipas kryebashkiakut, kjo është arsyeja pse autoritetet e vlerësuan dhe janë mirënjohës për guximin e efektivit italian.
Franco Fumarola ndërhyri së bashku me 29 anëtarë të tjerë të Guardia di Finanza-s mbrëmjen e 17 dhe 18 shkurtit.
Kjo, për të kryer operacionin e shpëtimit në brigjet veriore të ishullit të Korfuzit, midis Greqisë dhe Shqipërisë.
Trageti “Euroferry Olympia”, me flamur italian, lidhte qytetin grek të Igumenicës me Brindisi-n.
Ekuipazhi fillimisht u përpoq të shuante zjarrin me pajisjet në bord, por në pamundësi për ta bërë këtë, kapiteni dha urdhër që të braktisej anija.
Në bordin e anijes kishte 237 pasagjerë dhe 51 anëtarë të ekuipazhit.
Efektivët e “Guardia di Finanza” hipën në varkë dhe ndihmuan të gjithë personat që të hipnin në anijen patrulluese.
Për të dëshmuar vlerësimin dhe mirënjohjen e qytetit ndaj Franco Fumarola-s, kryebashkiaku i Martinës i dhuroi atij një pllakë me një dedikim në kujtim të episodit.
“Ke kryer një vepër të madhe, një vepër heroike. Të gjithë ne nga Martinica jemi krenarë për ju”, deklaroi në përmbyllje Palmisano.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ish-piloti i Marinës amerikane i arrestuar në Australi ka punuar me hakerët kinezë, thotë avokati
-
Hetimi ndaj Trump | Johnson: Do ta mbajmë përgjegjës Smithin për abuzimet
-
Vdes njeriu që kishte transplantuar për herë të parë veshkën e derrit
-
Zimmerman: Kosova mund të pranohet në Këshillin e Evropës si anëtare e asociuar
Lajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Putin shkarkon Shoigun dhe cakton një ministër të ri Mbrojtje, në mes të luftës
-
Zimmerman: Kosova mund të pranohet në Këshillin e Evropës si anëtare e asociuar