NATO forcon krahun lindor, të paktën 100 mijë ushtarë në Poloni

Aleatët perëndimorë janë në gjendje të vazhdueshme alarmi.

NATO po përshpejton zbatimin e planeve të zhvilluara në samite, fillimisht në Madrid në vitin 2022 dhe më pas në Vilnius në vitin 2023, për t’u përballur me një sulm të mundshëm rus.

Pak ditë më parë, zëvendëskomandanti i forcave të armatosura polake, Karol Dymanowski, deklaroi publikisht se “mijëra ushtarë të NATO-s janë vendosur tashmë në Poloni”.

Mësohet të jenë të paktën 100 mijë, sipas burimeve të Corriere della Sera.

Ata janë pjesë e të ashtuquajturës Forca e Reagimit, bërthama e reagimit të shpejtë, e cila mbeti joaktive për vite me radhë.

Por pas pushtimit të Ukrainës u bë shtylla më e rëndësishme e strategjisë që tani ndajnë edhe Finlanda dhe Suedia.

Në harkun kohor të disa muajve ka shkuar nga 40 mijë në 100 mijë njësi.

Duhet të arrihet edhe disa muaj dhe objektivi i 300 mijë burrave dhe grave me uniformë, të dislokuar kryesisht në krahun lindor të Evropës, duket se do të përmbushet.

Tani qendra e operacioneve është Polonia, ku Shtetet e Bashkuara të Amerikës kanë instaluar një komandë të trupave të ushtrisë me detyrën për të koordinuar lëvizjet e trupave tokësore përgjatë korridorit nga Balltiku në Detin e Zi.

Dje, në Bruksel, u zhvillua një takim për monitorimin e shkallës së mbulimit të kufirit: u vendos që të forcohej më tej mbrojtja e Bullgarisë.

Vëmendje e madhe, natyrisht, për mbrojtjen e hapësirës ajrore. Janë forcuar turnet e vëzhgimit dhe rrjeti nuk ka çarje.

SHBA ruan një rol kyç në nivel ushtarak dhe politiko-diplomatik, duke rekomanduar kujdes. Edhe një herë, Joe Biden dëshiron të shmangë konfrontimin e drejtpërdrejtë.

Të gjitha lëvizjet ushtarake që po zhvillohen përgjatë kufirit lindor të NATO-s nuk duhet të kuptohen si përgatitje për një ndërhyrje të drejtpërdrejtë në tokën ukrainase.

Administrata Biden do të vazhdojë të mbështesë rezistencën ukrainase, duke dërguar armë dhe municione, jo ushtarë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.