MV/ Përshkallëzohet protesta për rastin “Monstra”

Gjatë një proteste të mbajtur në Shkup, në Republikën e Maqedonisë së Veriut, me pjesëmarrjen e qindra shqiptarëve, u përshkallëzua në dhunë gjatë ditës së premte më 26 shkurt. Nga kjo përplasje mes policisë dhe protestuesve, ngelën të lënduar shtatë policë dhe u arrestuan tetë protestues.

Protesta ishte nisur ditën e enjte, më 25 shkurt, ku mijëra protestues dolën në rrugë duke kundërshtuar vendimin e gjykatës për rastin e quajtur “Monstra”.

Synimi i protesvuesve ishte të bënin një demostratë paqësore dhe jo të dhunshme. Raportohet se ata nuk u lejuan nga forcat policore për të hyrë në brendësi të selisë së Qeverisë maqedonase.

Pasi policia u doli pritë dhe u mbylli rrugën, protestuesit nisën të hidhnin gurë dhe objekte të forta kundër tyre.

Për disa orë situata ishte e qetë dhe organizatorët e protestës u bënë thirrje forcave policore që të hapnin rrugën. Këta të fundit nuk i dëgjuan protestuesit.

“Ju lus në mënyrë paqësore të na e lironi rrugën sepse protesta është e qetë dhe paqësore! Nuk po kërkojmë mëshirë, lirojeni rrugën t’i drejtohemi qeverisë ashtu siç kemi planifikuar! Me këtë sistem dhe këto institucione gjithkush mund të paditet.Me një “dëshmitar të rrezikuar” mund të përfundojë në burg të përjetshëm”, tha disa prej familjarëve të dënuarve, Bedri Hajdari.

Por disa prej të rinjve protestues nuk i respektuan thirrjet e organizatorëve duke krijuar përplasje me policinë.

Policia u kundërpërgjigj duke sulmuar protestuesit. Ata hodhën gaz lotsjellës për të shpërndarë turmën.

Një nga thirrjet e protestuesve ishte “Drejtësi për Monstrën”.

Protestuesit akuzojnë drejtësinë e RMV-së pasi rasti “Monstra” është i montuar dhe se shqiptarët dënohen padrejtësisht.

Kërkesat e protestuesve kishin të bënin me ndërprerjen e pazareve në kurriz të shqiptarëve. Të shkarkohej prokurorja e çështjes “Monstra” dhe gjykatësit. Kuvendi dhe Qeveria të publikojnë përgjimet. Të thirreshin ekspertë të pavarur ndërkombëtarë për tu marrë e të gjitha rastet e montuara kundër shqiptarëve.

Historia e rastit “Monstra”

Rasti “Monstra” ka të bëjë me vrasjen e pesë maqedonasve etnikë në vitin 2012. Trupat e Filip Slavkovskit, Aleksandër Nakjevskit, Cvetanco Acevskit dhe Kire Trikovskit, të gjithë të moshës midis 18 dhe 20 vjeç, u zbuluan gjatë Pashkëve Ortodokse më 12 Prill 2012. Trupat e tyre ishin rreshtuar pranë liqenit Smilkovsko afër Shkupit dhe dukej se ishin ekzekutuar. Trupi i 45-vjeçarit Borce Stevkovski u gjet në një distancë të shkurtër nga të tjerët.

Lajmi për vrasjen ngriti tensione etnike. Ku grupe maqedonasish etnikë zhvilluan protesta. Disa prej të cilave u kthyen në dhunë. Ata ia hedhën fajin e vrasjeve gjashtë shqiptarëve anëtarëve të komunitetit të madh shqiptar të vendit. I cili përbën rreth një të katërtën e popullsisë.

Ministrja e Brendshme në atë kohë, Gordana Jankuloska, pretendoi se autorët e dyshuar kishin kryer një akt terrorist.

Të pandehurit Alil Demiri, Afrim Ismailoviç, Agim Ismailoviç, Fejzi Aziri, Haki Aziri dhe Sami Ljuta u gjykuan në qershor të vitit 2014. Gjykata Penale e Shkupit i shpalli ata fajtorë. Atyre iu dha dënimi më i gjatë i mundshëm për vepra terroriste, burgim të përjetshëm.

Bindjet nxitën protesta të furishme nga shqiptarët etnikë. Me përplasje të dhunshme midis policisë së protestave dhe demonstruesve në rrugët e Shkupit. Ashtu si mbrojtja në gjyq, protestuesit besuan se gjashtë burrat ishin futur si “dhi kurbani” nga qeveria autoritare. E udhëhequr nga kryeministri në atë kohë, Nikolla Gruevski.

Interesi për rastin u rrit në vitin 2015. Kur Partia Social Demokrate në opozitë në atë kohë, e udhëhequr nga Zoran Zaev, i cili tani është Kryeministër, filluan të lëshojnë përgjime të bisedave telefonike. Këto biseda ishin regjistruara fshehurazi kundër zyrtarëve të lartë të shtetit. Ku u akuzohej Gruevski dhe kushëriri i tij, shefi i policisë sekrete, Saso Mijalkov.

Në disa raste, Zaev la të kuptohej se disa nga përgjimet, për të cilat ai pretendoi se kishin dalë nga policia sekrete, mund të përmbajnë prova të reja në lidhje me çështjen Monster, të cilat mund të mbështesin spekulimet për një organizim të mundshëm të motivuar politikisht.

Një rigjykim filloi më pas në maj 2018. Pasi prokuroria kërkoi nga Gjykata e Lartë në Tetor të vitit 2017 që dënimet e përjetshme të anuloheshin.

Prokuroria Speciale mori juridiksionin dhe tha se do të paraqiste prova të reja. Në atë që dukej se ishte një gjest simbolik, çështja iu dha prokurores Fatime Fetai, e cila është me të mirë të etnisë shqiptare.

Përgjimet dhe dëshmitarët e rinj përfshirë Kryeministrin Zaev do të hidhnin dritë të re mbi çështjen.

Gjatë seancës gjyqësore në janar të 2021, prokurorja, Fatime Fetai, arriti në përfundimin se përgjimet nuk arritën të zbulonin “disa të vërteta të reja” rreth çështjes. Si dhe dëshmitë e reja.

Më 23 shkurt 2021 u dha vendimi i plotë ku tre prej të akuzuarve u dënuan më burgim të përjetshëm. Ndërsa tre nga ata me 15 vjet heqje lirie, tjetri 9 vjet dhe një i akuzuar u lirua në mungesë provash kundër tij.

Sidoqoftë, policia nuk i ka gjetur kurrë armët e vërteta të vrasjes.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.