“Moska nuk ndryshon qëndrim rreth Kosovës” – Ambasadori rus pret në takim zyrtarët serbë

Moska nuk ndryshon pozicion në raport me Kosovën, ka thënë ambasadori rus në Beograd, Aleksandër Boçan-Kharçenkdo.

Njëjtë sikurse në raport me Kosovën, ambasadori rus u shpreh edhe për entitetin serb të Bosnje-Hercegovinës “Republika Srpska” dhe Marrëveshjen e Dejtonit, njoftoi agjencioni serb i lajmeve “Tanjug”.

Në rastine e “Ditës së Rusisë” ai zhvilloi një pritje për zyrtarët serbë, pasi kryediplomatit rus, Sergej Lavrov-it, iu pamundësua vizita në Beograd.

Në pritjen në Ambasadën Ruse morën pjesë kryeministrja serbe Ana Brnabiç, kryeparlamentari Ivica Daçiç, ministrat Nikola Selakoviç, Sinisha Mali, Nenad Popoviç, Aleksadar Vulin, Nebojsha Stefanoviç, Maja Popoviç, Andjelka Atanaskovic, i ashtuquajturi drejtor i një zyreje të ashtu-vetë-quajtur për “për Kosovën” Petar. Petkoviç dhe anëtari serb i Presidencës së Bosnje-Hercegovinës,l Milorad Dodik.

Ministrin të Punëve të Jashtme të Federatës Ruse, Sergej Lavrov, iu mbyll hapësira ajrore për të flutuar në Beograd ku do të zhvillonte një vizitë dy-ditore.

Podgorica, Sofja dhe Shkupi përfundimisht mbyllën qiejt ndaj fluturimit të Lavrov, i cili u detyrua të anulonte vizitën.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.