Moise Kean mund të rikthehet te Juventus-i në fundin e kësaj vere.
Agjenti i tij Mino Raiola është në Torino sot, me gazetarët italian që thonë se ai atje nuk është pa arsye.
Romeo Agresti, gazetar shumë i afërt me klubin bardhezi, thotë që arsyeja që ai ka udhëtuar për në Torino është pikërisht Moise Kean.
Futbollisti i Everton-it ka mundësi të mëdha të kthehet te skuadra ku bëri emër për herë të parë.
Kean u shfaq në skenë me Juventus-in në vitin 2018.
Atë sezon, ai u konsiderua një senzacion për shkak të performancave që kishte në fushë.
Mirëpo, në fund të sezonit, ai çuditërisht u shit përfundimisht në drejtim të Everton-it.
Në Premier League ai nuk gjeti vazhdimësi, dhe sezonin e kaluar shkoi në huazim te PSG-ja.
Te klubi parisien ai kaloi një periudhë shumë të mirë, por kryeqytetasit francez nuk preferuan mbajtjen e tij.
Largimi i Cristiano Ronaldo që duket shumë afër, e afron edhe më shumë Kean me Juventus-in.
Gjithçka pritet të ndodhë në ditët e ardhshme, kur Ronalo largohet edhe zyrtarisht.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
