Ministria e Mbrojtjes sqaron lajmin e përfshirjes së një anije nga flakët – Ishte stërvitje

Ministria e Mbrojtjes në Shqipëri ka sqaruar opinionin publik mbi disa video që kanë qarkulluar në media që shfaqnin një anije të përfshirë nga flakët.

Sipas Ministrisë, bëhet fjalë për një stërvitje rutinë të anijeve të klasit “Iliria” të Forcës Detare shqiptare në Gjirin e Vlorës.

“Episodi i shfaqur në video është pjesë e skenarit në rastet kur bie zjarr në bordin e një mjeti lundrues dhe anijet e Forcës sonë Detare angazhohen për të shuar flakët”, sqaron Ministria e Mbrojtjes.

Rasti i fundit i angazhimit të anijeve të Forcës sonë Detare në një operacion për shuarjen e flakëve në një mjet lundrues në det të hapur ka ndodhur vetëm në muajin shkurt të këtij viti në tragetin e linjës Brindizi-Gumenicë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.