Milatoviç: Qeveria e re duhet që të ketë përfaqësues të të gjitha kombeve në Mal të Zi

Qeveria e re në Mal të Zi – pas zgjedhjeve parlamentare të 11 qershorit – sipas Presidentit malazez, Jakov Milatoviç, duhet që të ketë anëtarë të të gjitha kombeve që jetojnë në Mal të Zi, duke shtuar se “është shumë e rëndësishme që qeveria të jetë pro-evropiane”.

“Pas diskutimit me Këshillin Evropian dhe Komisionin Evropian, vizita e sotme në Bruksel kishte për qëllim një diskutim të hapur me deputetë të Parlamentit Evropian, i cili shkoi shumë mirë, ku përcolla përshtypjet e mia për atë që po ndodh në Mal të Zi pas ndryshimeve të madha politike që ndodhën në vitin 2020, të cilat përmbyllen me zgjedhjet presidenciale të vitit 2023”, ka thënë Milatoviç, transmeton media malazeze “CaffedelMontenegro”.

Përshtypja që po e përcjllë atë vazhdimisht është se Mali i Zi po bëhet një vend demokratik dhe një vend “që më në fund ka vullnetin demokratik për t’u bërë pjesë e Bashkimit Evropian”.

Ai tregon se do të fillojë me konsultime formale me partitë politike sapo të konstituohet mbledhja e Kuvendit.

“Me sa kuptoj unë, mbledhja e re e Kuvendit të Malit të Zi do të thirret javën e ardhshme, menjëherë pas kësaj do të filloj konsultimet formale”, tregoi ai.

Qeveria e re malazeze, sipas tij duhet që të jetë pro-evropiane.

“Është shumë e rëndësishme që qeveria të jetë pro-evropiane dhe ky është një apel për asamblenë, jo vetëm qeverinë, që të shfrytëzojë momentin menjëherë pas kushtetutës për të bërë emërime në drejtësi dhe nëse në këtë mënyrë do të dërgonim. një mesazh i mirë para raportit të progresit, për një pjekuri demokratike”.

Përvec kësaj, kreu malazez pohon se qeveria e re duhet që ta ketë mbështetjen e fortë të parlamentit.

“Shpresoj që formimi i qeverisë të shkojë në atë drejtim, por gjithmonë e përsëris se stabiliteti nuk duhet të bëhet në kurriz të disa parimeve dhe parimi është i qartë, që Mali i Zi të anëtarësohet në Bashkimin Evropian sa më shpejt të jetë e mundur”.

Milatoviç beson se qeveria e re duhet të ketë anëtarë të të gjitha kombeve, por se mendon se qeveria nuk duhet të formohet vetëm mbi atë parim.

“Jam i sigurt se qeveria duhet të formohet sipas parimit se kush mund të japë kontributin më të madh në përmirësimin e reformave që janë të nevojshme që vendi të bëhet anëtar i ri i Bashkimit Evropian, por unë jam absolutisht një mbështetës i madh. të përfaqësuesve të kombeve pakicë që janë pjesë e kësaj qeverie malazeze dhe e çdo qeverie të mëvonshme”.

Ndryshe, në zgjedhjet parlamentare të 11 qershorit, Lëvizja Evropa Tani – e udhëhequr nga eksperti financiar, Milojko Spajiç – ka arritur që të marrë numrin më të madh të deputetëve, 23 nga 81 gjithsejtë që i ka parlamenti malazez.

Mirëpo, këto mandate janë të pamjaftueshme për ta formuar qeverinë e vetme, pasi që duhet shumica e thjeshtë, më së paku 41 deputetë.

Nga ana tjetër, Partia Socialiste e Demokratëve – ish partia e Milo Gjukanoviç-it – është renditur forca e dytë, me 21 mandate, e pasur nga Fronti Demokratik, me 15.

Ndërsa, koalicioni në mes të lëvizjes qytetare Ura, e udhëhequr nga kryeministri në detyrë, Dritan Abazoviç, dhe Demokratët e Aleksi Bekçiç-it, kanë arritur kuotën e 12 mandateve.

Edhe pakicat kombëtare në Mal të Zi kanë marrë një numër të konsiderueshëm mandatesh. Boshnjakët në përbërjen e re të parlamentit malazez do të përfaqësohen me 6 deputetë, ndërsa shqiptarët me 3, 2 prej tyre i ka fituar Forumi Shqiptar – i kryesuar nga kryetari i Tuzit, Nik Gjeloshaj – kurse një mandat e kanë marrë edhe kroatët.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.