Një mikrob i zbuluar në një burim të nxehtë vullkanik gëlltit dioksidin e karbonit “çuditërisht shpejt’, sipas shkencëtarëve.
Ata shpresojnë të përdorin mikrobet që kanë evoluar natyrshëm për të thithur dioksidin e karbonit si një mënyrë efikase për të hequr gazin serrë nga atmosfera.
Përfundimi i djegies së lëndëve djegëse fosile është kritik për t’i dhënë fund krizës klimatike, por shumica e shkencëtarëve pajtohen se dioksidi i karbonit do të duhet gjithashtu të thithet nga ajri për të kufizuar dëmtimet në të ardhmen.
Mikrobi i ri, një cianobakter, u zbulua në shtator në rrjedhjet vullkanike pranë ishullit italian të Vulcano, ku uji përmban nivele të larta të dioksidit të karbonit.
Studiuesit thanë se virusi e ktheu dioksidin e karbonit në biomasë më shpejt se çdo cianobakter tjetër i njohur.
Në shkurt, ekipi eksploroi gjithashtu burime të nxehta në Malet Shkëmbore në Kolorados, SHBA, ku nivelet janë edhe më të larta. Këto rezultate tani janë duke u analizuar.
Studiuesit thanë se të gjitha të dhënat e tyre mbi mikrobet do të publikoheshin dhe do të viheshin në dispozicion të shkencëtarëve të tjerë si një bazë të dhënash që çifton sekuencat e ADN-së me mostrat e grumbulluara të baktereve.
Sakaq, mikrobi i ri ka edhe një tjetër veti të pazakontë, fundoset në ujë, gjë që mund të ndihmojë në mbledhjen e dioksidit të karbonit që thith.
Mikrobi mund të jetë gjithashtu në gjendje të prodhojë një bioplastik të dobishëm.
Projekti u financua nga kompania e bioteknologjisë Seed Health. Tashmë shet probiotikë për shëndetin e njeriut, ka zhvilluar një probiotik për bletët dhe po hulumton përdorimin e enzimave mikrobike për të zbërthyer plastikën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rekord i dyfishtë botëror arrihet këtë vit në malin Everest
-
Vrasja e policit në Fier, Rrumbullaku: Thellësisht të tronditur, autori do vendoset para ligjit
-
Njohja e pensioneve me Italinë, Manjani: Përfitojnë mbi 500 mijë shqiptarë
-
Nënsekretarja e Shtetit për Diplomacinë Publike e viziton Kosovën këtë muaj, takohet me Osmanin e Kurtin