Kancelarja gjermane Angela Merkel ka mbërritur në Rinas, ku është pritur nga ministrja për Evropën dhe Punët e Jashtme, Olta Xhaçka, ambasadori gjerman në Shqipëri, Peter Zingraf dhe ambasadori shqiptar në Gjermani, Artur Kuko.
“Nder dhe kënaqësi t’i uroja mirëseardhjen Kancelares Gjermane, Angela Merkel, e cila mbërriti në Tiranë për takime të rëndësishme me Kryeministrin Edi Rama dhe liderët e rajonit”, shkruan ministrja në median sociale Facebook.
Ajo ka shprehur mirënjohje për mbështetjen e Merkel-it për integrimin të Ballkanit Perëndimor si dhe për forcimin e bashkëpunimit dhe zhvillimin e rajonit tonë.
Të martën e 14 shtatorit, Angela Merkel do të zhvillojë vizitën e saj të fundit në Shqipëri si Kancelare e Republikës Federale të Gjermanisë.
Pasi përmbylli vizitën e saj në Serbi më 13 shtator, ku u takua me presidentin serb Aleksandër Vuçiç, Merkel pritet të vizitojë Shqipërinë.
Në Tiranë është planifikuar një takim me kryeministrat e të gjashta shteteve të Ballkanit Perëndimor që nuk janë anëtarë të BE-së; Shqipëri, Bosnjë dhe Hercegovinë, Kosovë, Serbi, Mali i Zi dhe Maqedoni e Veriut.
Fillimisht, ajo do të pritet me një ceremoni në Pallatin e Brigadave, e parashikuar në orën 10:20.
Itinerari do të zhvendoset në orën 11:00, te Tirana Business Park, në zonën e Rinasit, ku të pranishëm do të jenë edhe krerët e qeverive të Ballkanit.
Më pas, Merkel dhe Rama do të zhvillojnë një konferencë të përbashkët për shtyp.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mes debatesh miratohet në Këshillin Bashkiak të Roskovecit ndërtimi i Termocentralit në Suk 1
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
SPAK përfundon hetimet për ish-përgjegjësit e IKMT Sarandë, dërgon çështjen në GJKKO
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Amerika autorizon Ukrainën të godasë Krimenë me raketa me rreze të gjatë
-
Edhe Britania e do Asociacionin sa më shpejt që të jetë e mundur