Presidenti i Venezuelës Nicolas Maduro shtrëngoi duart dhe shkëmbeu fjalë me të dërguarin e SHBA-ve për klimën, John Kerry.
Takimi i shkurtër u regjistrua në samitin COP27 në Kajro të martën e 8 nëntorit.
Lajmi u bë i ditur nga kompania “Bloomberg”.
Maduro iu afrua Kerrit dhe të dy folën shkurt përmes një përkthyesi, tregoi një video e shkurtër e publikuar nga rrjeti televiziv shtetëror i Venezuelës.
Kerry u shfaq duke tundur gishtin dhe më pas i bëri shenjë “turp për ju” ndaj Maduro-s.
Zëdhënësi i Departamentit të Shtetit Ned Price tha se Maduro ndërpreu një takim dhe e kapi Kerry-n në befasi.
Ai tha se Maduro ka “mbikëqyrur një periudhë degradimi të konsiderueshëm mjedisor”.
“Kjo nuk ishte planifikuar ose nuk ishte thelbësore në asnjë mënyrë”, tha Price në një konferencë të martën. “Unë e kuptoj që Nicolas Maduro ia ka bërë këtë një numri liderësh botërorë”.
Edhe pse nuk ishte një takim i planifikuar, është hera e parë që Maduro, të cilin SHBA-të nuk e njohin si president legjitim të Venezuelës, kishte një takim publik me një zyrtar të lartë amerikan.
Në vitin 2019, administrata Trump njohu liderin e opozitës Juan Guaido si udhëheqësin e përkohshëm të vendit, duke ndërprerë lidhjet me qeverinë Maduro.
Maduro u takua me zyrtarë të administratës Biden në Karakas të paktën dy herë këtë vit, mes shenjave të një tensioni të mundshëm midis dy vendeve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maqedonci takon homologun hungarez, flasin për sulmin në Veri dhe sigurinë në Ballkan
-
Nga Suedia në Mbretërinë e Bashkuar, një valë arrestimesh zbulon praninë e një rrjeti spiunësh kinezë në Evropë
-
Sadaf Baghbani: Kam 150 fishekë në trup, mendova se askush nuk do të më dojë më
-
Mehaj: Për 25 vite institucionet kanë bërë një punë modeste në argumentimin dhe ndriçimin e gjenocidit serb
