Presidenti francez, Emmanuel Macron, ka paralajmëruar masa të rrepta për qytetarët që nuk duan të marrin vaksinën anti-COVID, në Francë.
Por, gjuha e ashpër e përdorur në një intervistë televizive nga Macron, u kritikua prej opozitës së vendit, duke u cilësuar si “e padenjë për një president”.
Komentet e shumta shtynë deputetët të pezullojnë debatin mbi ligjin që ndalon të pavaksinuarit nga pjesa më e madhe e shërbimeve publike.
Seanca në Asamblenë Kombëtare u ndërpre për natën e dytë me radhë, pasi ankesave të delegatëve të opozitës për gjuhën e përdorur nga presidenti.
Legjislacioni pritej të miratohej me votim këtë javë, por ai ka zemëruar kritikët e vaksinës, ndërsa disa deputetë francezë thanë se kanë marrë kërcënime me vdekje për këtë çështje.
Vaksinimet po bëhen të detyrueshme në disa vende evropiane.
Në Austri, vaksinimi është i lejuar për moshën mbi 14 vjeç, duke filluar që nga muaji i ardhshëm. Edhe Gjermania po planifikon një lëvizje të ngjashme për të rriturit.
Fjala e përdorur nga Macron “emerder” është një term vulgar – që do të thotë “të bezdisësh” një individ.
Katër muaj para zgjedhjeve presidenciale franceze, ky term shkaktoi reagim të fortë te politikanët e opozitës.
Një nga kandidatet kryesore për presidencën, Valérie Pécresse nga republikanët, tha se ishte e indinjuar që presidenti kishte akuzuar njerëzit e pavaksinuar se “nuk janë qytetarë”.
Ndërkohë, politikani i majtë, Jean-Luc Mélenchon, i cilësoi komentet si “të çuditshëm”.
Gjuhë e ngjashme u përdor edhe nga presidenti Georges Pompidou, në vitin 1966.
Aleati i Macron-it, Christophe Castaner, të mërkurën tha se “fraza nuk tronditi askënd kur doli nga goja e Pompidou-t”.
Franca ka një nga normat më të larta të vaksinimit kundër COVID-19 në Bashkimin Evropian (BE), me më shumë se 90% të popullsisë së rritur.
Macron ka thënë se janë 5 milionë banorë që mbeten të pavaksinuar.
Marrë nga BBC, përshtatur për Albanian Post.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pas Prizrenit, më 2 maj edhe Tirana e dekoron Ali Ahmetin me titullin “Qytetar Nderi”
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
“Po mbahet në një burg ferri”, Daily Mail shkruan për arrestimin e Sadik Durakut në Serbi i akuzuar për “krime lufte”
-
Mediat izraelite: Netanyahu rrezikon një urdhërarrest nga ICC-ja
Lajmet kryesore
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
A mund ta përballojë BE-ja zgjerimin me Ukrainën dhe Ballkanin?
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
Përkrahja e Kurtit s’i ndihmoi VLEN-it t’i fitojë zgjedhjet, Kasami për AP: Bashkëpunimi do të vazhdojë