Krerët e të gjitha linjave ajrore të pasagjerëve që fluturojnë midis Britanisë dhe Shteteve të Bashkuara(SHBA) u bënë thirrje të dy vendeve për të hequr kufizimet e udhëtimit trans-Atlantik të vendosura për të luftuar pandeminë Covid-19.
Shtytja erdhi ditë përpara takimeve të kësaj jave midis presidentit të SHBA-ve Joe Biden dhe kryeministrit britanik, Boris Johnson në takimin e kombeve tё G7 këtë javë në Cornwall, Anglia jugperëndimore.
Zyrtarët e linjave ajrore amerikane dhe britanike deklaruan për agjensinë e lajmeve “Reuters” se nuk presin që Uashingtoni të heqë kufizimet mё shpejt se data 4 korrik pasi administrata synon të vaksinojë më shumë amerikanë.
Shefi ekzekutiv i British Airways, Sean Doyle, tha se heqja e kufizimeve është thelbësore.
“Unë mendoj se çёshtja nuk ёshtё thjesht njё kalim i fundjavёs, ka të bëjë me tregti, me vizitë te miqtë dhe të afërmit, ka të bëjë me kthimin dhe bërjen e biznesit dhe ri-punësimin e njerëzve”, tha Doyle për “Reuters”.
Që nga marsi i vitit 2020, SHBA-tё kanë ndaluar gati të gjithë shtetasit jo-amerikanë që kanë qenë në MB brenda 14 ditëve të mëparshme nga hyrja në vend.
Shumica e udhëtarëve amerikanë që vizitojnë MB duhet të bëjnë karantinë për 10 ditë pas mbërritjes.
Rihapja është më e rëndësishme për linjat ajrore me bazë në Britani British Airways dhe Virgin Atlantic, të cilat nuk po përfitojnë nga tregu i brendshëm që ringjallet si kolegët e tyre të SHBA-ve.
Shumica dërrmuese e kombeve nuk po përballen me kufizimet tё hyrjes. Ato u vendosёn nga SHBA-tё pёr njё kohё tё shkurtёr.
Vetëm 26 vendet Shengen në Evropë pa kontrolle kufitare, Irlanda, Kina, India, Afrika e Jugut, Irani dhe Brazili po përballen me kufizimet.
“Jemi në pikun e sezonit të udhëtimeve midis SHBA-ve dhe MB-sё. Çdo ditë që kalon është një ditë e humbur për rikuperim”, tha CEO i United Airlines, Scott Kirby.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE